Yɛrɛmaya 26:2 - ALLALA KUMƐ

² Mari ya a fɔ nde, Yɛrɛmaya ye ko n ni ta sɔ Bato-Bon-kata burɔ. A ko n ni ala kumɛ kɛ bɛɛ latenbi wole ma minnu nara ka bɔ Yuda soenu tɔ batoli-kɛ-tinɛ. A ko n kana dan wo fenfen-fɔ-tinɛ.

Yɛrɛmaya 26:2 Iomraidhean Croise

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Yɛrɛmaya 19:14

Wo kɔma, nde, Yɛrɛmaya bɔra Tofɛti lɛɛ rɔ, Mari ya n sɔ wɔlɔyiya-kumɛ fɔ-tinɛ kan min nun. N tara n sɔ kata burɔ Mari Bato-Bɔn la. N ya a fɔ mɔgɛnu ye ko

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Yɛrɛmaya 25:2

Nde, Yɛrɛmaya ya a fɔ wole, Yerusalɛm so-burɔ-mɔgɛnu anubɛ Yuda nyamanita-mɔgɛ toenu ye ko

Yɛrɛmaya 28:5

Woletɔ nde, Yɛrɛmaya kumara Hananaya la saraka-masɔlɛnubɛ wole, mɔgɛ bɛɛ yala Bato-Bɔn la.

Yɛrɛmaya 42:4

N ya anu yabi a kin na, n ko, “N si Alla madiya wo ye iko wo ya a fɔ n ye nya min. Ni a ya ko-wo-ko fɔ n ye, n si wo fɔ wo ye. N ti ko-wo-ko dogon wo ma.”

Yɛrɛmaya 7:2

A ko n ni sɔ Mari Bato-Bɔn don-dɛ la. N ni kawandili kɛ bɔ nyɔ rɔ. Wole Yuda mɔgɛnu, wo ni wo tole masɔ Mari kuman-kan la. Wole minnu bi tenbila don-dɛ kɛ la ka na Mari bato-tinɛ, wo ni wo tole masɔ.

Yɛrɛmaya 7:27

Mari ko nde, Yɛrɛmaya ni kɛ rakaran wole, Yuda kɛnu ye. Kɔnɔ a ko hali wo, wo ti wo tole masɔ. A ko hali n mɛra kɛ rakaranna wo ye, wo ti wo tole masɔ.

Isikiyɛli 3:10

“Ile hadama-dan, i tole masɔ a kin na! I ni i hɛnkili to kumɛ kɛ damasi ko.

Isikiyɛli 33:7

“Nba, ile hadama-dan, n bi i sigila Isirɛla mɔgɛnu kuma anu kandan-koe la. N ba min fɔ i ye, i ye anu makawandila wo le la.

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Luka 19:47

Yisa tora mɔgɛnu karanna tele-wo-tele Alla-Bato-Bɔn la. A faga-sɔgɛ ye saraka-masɔla-wɛnu na anubɛ tɔn-karan-mɔgɛnu anubɛ kun-tigi minnu bi anu tɛma nun.

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 8:2

Wo banda kɛ, Yisa suruta sɛgila Alla-Bato-Bɔn la. Mɔgɛ bɛɛ ya a lafoo. A sigira ka anu karan dabira.

Kɛwɔlɛnu 20:20

Koe min bɛɛ si ma wo dɛnbɛn-koe la, n ma wo beli wo fenfen na iko wo ya a lɔn nya min. N ya kawandili bɔ ka wo karan gbɛ rɔ anubɛ wola bɔnnu na.

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Kɛwɔlɛnu 5:25

Mɔgɛ do nara gbɛ! Wo ya a fɔ anu ye ko, “Wo ni wo wɔlɔ matɔlɔ! Wo ya minnu sa yele la, wonu sɔnɛ Alla-Bato-Bɔn la mɔgɛnu karan tinɛ!”

Kɛwɔlɛnu 5:42

Anu tora mɔgɛnu karanna ka Yisa, Allata-Mɔgɔ-Yabɔnɛla kibara-nyimɛ lake Alla-Bato-Bɔn la anubɛ mɔgɛnu barɛnu tɔ tele-wo-tele.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.

Lankɛnimayɛ 22:19

Nba, ni mɔgɔ-wo-mɔgɔ ya do bɔ kitabu kɛta wɔlɔyiya-kumɛnu na, Alla si atɛ bɔ nimaya-kɔlɔma-gbɔɛ-sɔrɔn-koe rɔ. A bɛnta, a ni min sɔrɔn so-sɛnimɛ wo burɔ minna koe fɔnɛ kitabu kɛ rɔ, a si foo wo bɛɛ la.