Yɛrɛmaya 26:16 - ALLALA KUMƐ

¹⁶ Wo kɔma, wole mɔgɔ-banu anubɛ wole, a mɔgɛ toenu ya a fɔ saraka-masɔlɛnu anubɛ nɛbinu ye ko, “Kei kɛ ara kuma ma ye mata Mari Alla le tɔgɛ rɔ. A ma bɛn, a ni faga.”

Yɛrɛmaya 26:16 Iomraidhean Croise

Ɛsita 4:14

Kɔnɔ ni a siginɛ tora a la i bolo kaka, dɛnbɛnɛ si bɔ Alla bolo kan tinɛ do rɔ ka Yahudiyanu kunyɛ bɔ a rɔ kɔnɔ wolebɛ i kebila-kunyɛ si to-a-rɔ dogbe! Tumado, i mara mansɛla musi la kɛ lela ko la. Mɔgɔ ma a lɔn.”

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Yɛrɛmaya 26:11

Saraka-masɔlɛnu anubɛ nɛbinu ya a fɔ wole, mɔgɔ-banu anubɛ wole, a mɔgɛ toenu ye ko, “A bɛnta, Yɛrɛmaya kɛ ni faga ka a tɛgɛ a ara kumɛ min fɔ soe kɛ tinya-koe ma, ado wole nyɛrɛ ara kɛ lamɔɛn.”

Yɛrɛmaya 36:19

Wo kɔma, anu ya a fɔ a ye ko, “Wobɛ Yɛrɛmaya ni wo dogon. Mɔgɔ kana wo dogon-tinɛ lɔn.”

Yɛrɛmaya 36:25

Yanni mansɛ ni a mintan nun, wo ya a taran, Ɛlinetan anubɛ Dilaya anubɛ Kɛmiraya ara mansɛ madiya ko a kana gbole wo mintan kɔnɔ ale mansɛ ma anu denkun defan!

Yɛrɛmaya 37:15

Anu nyɛɛra n ma dɔgɔma-ma-de! Anu ya n gbesi ka n nadon mansɛla sɛbɛli-kɛla Yonatanna bɔn la min bi yeleyɛ la gbɛ!

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Luka 23:41

Anu bi male tɔrɔla mala ko-yogomɛla ko la kɔnɔ ale ma fenfen ma!”

Luka 23:47

Kɛlɛ-dannuna kun-tigi ya wo yen nkɛkuna, wo ya Alla tanto, a ko, “Mɔgɔ-latelennɛ le kei kɛ la serr!”

Kɛwɔlɛnu 23:29

Kɔnɔ n ya a yen ko a ma ko-wo-ko ma a si faga minna ko la, hali ka a ladon yele la minna ko la. Anu bi a maburila anuna dina tɔnla ko la dɔrɔn.

Kɛwɔlɛnu 23:9

Woletɔ sɔnkɔ-sɔnkɛ koloyara. Tɔn-karan-mɔgɛ do minnu bi Farisinuna dina rɔ, wonu sɔra ka sɔsɔli-ba kɛ ko, “Ni kei kɛ ara ko-yogomɛ kɛ, male ma wo yen! Tumado tonyɛ le, nima-fan do ara kuma a ye nun, ni wo ma, melika.”

Kɛwɔlɛnu 25:25

Kɔnɔ nde ma ko-wo-ko yen a si faga minna ko la, ado ale nyɛrɛ fanan ko fɔ a ni Romu nyamanɛ kun-tigi-ba yen. Woletɔ n ya a lata-koe latɛgɛ Romu.