Yɛrɛmaya 25:9 - ALLALA KUMƐ

⁹ a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 25:9 Iomraidhean Croise

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 13:3

Mari ara ala kɛlɛ-kɛla-wɛnu yabɔ ka ta kɛlɛ-sɛnimɛ kɛ alako a diminyanɛ minnu ma, a ni wonu tɔrɔ.

Aiseya 39:7

A ko hali ile mansɛ bɔnsɔn donu si ta. Wo donu si ma tɛgan la minnu si to wɔlila Babilɔn mansɛla bolɔn la.”

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Yɛrɛmaya 1:14

Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 25:8

Wo ma sɔn wo tole masɔla ale Mari Sɛnbɛ-Bɛɛ-Tigi la min kɛ, a ko

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 35:11

Mansa Nɛbukanasala bui nyamanɛ ma, wo le ya a ma, ma donta Yerusalɛm soe burɔ alako ma ni kanan Babilɔn anubɛ Siriya kɛlɛ-dannuna masibɛ ma. Wo le wara ma sigi Yerusalɛm yan.”

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 36:29

Mari ko n ni a fɔ Mansa Yahoyakim ye ko, “I wara gbolo-sɛbɛnɛ mintan, ado ka tenbi wo la, i wara nde, Yɛrɛmaya manyinika n bara a sɛbɛ minna ko la ko Babilɔn mansɛ si nyamanɛ kɛ kasara, a mɔgɔ wo, a kolo-fen wo.”

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 40:2

Kɛlɛ-den-kunyɛ wo tara n na n dan na, a ko, “Wota Mari Alla ara a fɔ nun ko kasarɛ si na wola nyamanɛ kɛ ma,

Yɛrɛmaya 43:10

A fɔ anu ye ko nde, Mari Sɛnbɛ-Bɛɛ-Tigi Isirɛlata Alla si na Babilɔn Mansa Nɛbukanasa la yan tɔ, nde, Marita wɔli-kɛlɛ, kɔni. Ala mansaya-waganɛ ye sigila kuri kɛnu denu kuma borongbɛ gbɛ rɔ yan. ado a si ala mansaya-fani-bɔn rafulen nyɔ kuma.

Yɛrɛmaya 46:20

Iyipiti mani de iko ninki-tɔlɔnɛ kɔnɔ sigitɛgɛ ye nala a kan ma ka bɔ kantɔ-wara la.

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Isikiyɛli 12:20

So-kunbɛ minnu nafanɛ mɔgɛ la, wonu si kasara pɔ! Nyamanɛ ra si kolonya iko wulɛ. Wo kɔma, anu si a lɔn ko Mari le nde la.”

Isikiyɛli 16:40

Wonu si nyama latugu i ma ka i mabon kuri la. Anu si i ratɛgɛ gbede-gbede anuna faannu na.

Isikiyɛli 21:11

Faan wo masusani de a lawɔli-koe la. A dɛ lasanɛ, a ye malan-malanna, alako ka a don mɔgɔ-fagalɛ bolo.’

Isikiyɛli 26:7

“Nde, wo tigi Mari ko Babilɔn Mansa Nɛbukanasa min mankan kolo mansɛ bɛɛtɛ ko, n si wo latugu ale Taya kɛnu ma. A si bɔ kantɔ-wara la kɛlɛ-den-siyaman na a bolo anubɛ soeenu anubɛ kirindinu.

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Habakuku 1:17

Anu si to anuna yalɛnu takolonyala ka to mɔgɛnu fagala tolon, kinikini sa anu tɔ, wa?

Tɔn-Fɔɛ-Fila-Nyɔgɛ 28:37

Ni nyɔ-mɔgɛnu ya wo tɔrɔ-nya yen, anu ti sisi wo mafɛlɛnna. Anu si wo manyini ka wo lafɛya bɛrɛkɛ!