Yɛrɛmaya 25:5 - ALLALA KUMƐ

⁵ Anu ko wo ni fara wola ko-yogomɛnu na. Wo ni tɔn sigi wola karagbɛlɛyɛnu na alako wo siginɛ ni to wo halala-nyamanɛ rɔ Mari ya min di wobɛ wo benbanu ma.

Yɛrɛmaya 25:5 Iomraidhean Croise

Ko-Dabirɛnu 17:8

I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

Yaburi 139:24

N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!

Yaburi 37:27

I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Yɛrɛmaya 17:25

A ko ni wo ya ata sereya kɛnu bira, min bi mala, wo le kɛ la. Mansɛ minnu bi sigila Mansa Dawuda gbɛ rɔ, wonu si to tenbila Yerusalɛm don-dɛ kɛnu na anubɛ anuna mɔgɔ-banu. Wonu si to kirindinu anubɛ soeenu naburila. Anu si to tala wole, Yuda anubɛ Yerusalɛm nyama tɛma yan. Mɔgɛnu si to sigini Yerusalɛm soe burɔ yan tolon!

Yɛrɛmaya 18:11

A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 4:1

Mari ko ni sɛgi-sɔgɛ ye wole, Isirɛla mɔgɛnu na a ma, nba, wo sɛgi a ma. Kɔnɔ a ko wo ni wola bɛsɛnu nakɛ a rɔ bawo anu gbo a ye. Wo kana ta wo kun fɛ.

Yɛrɛmaya 7:7

Ni wo ya tɔn kɛnu bira, Mari ko nyamanɛ kɛ ti bɔ wo bolo, ado a ya nyamanɛ kɛ le di wo benbanu ma tolon!

Isikiyɛli 18:30

“Woletɔ nde, wo Tigi Mari ye a fɔla Isirɛla mɔgɛnu ye ko n si anu dama kiti kelen-kelenyɛ ma iko bɛɛta kɛwɔlɛ ye nya min. Anu ni anu kan-kɔ sɔ anuna karagbɛlɛyɛ bɛɛ la. Anu ka a ma, anuna hakɛ ni anu halaki.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.