Yɛrɛmaya 25:16 - ALLALA KUMƐ

¹⁶ Anu ba anu min a la tumɛ min, anu yɛ la si fin, anu ni to tonko-tankanna iko baantoe. Mari ye kɛlɛ min nanala anu kuma, yi-lafɛ-misalɛ le kɛlɛ wo la.

Yɛrɛmaya 25:16 Iomraidhean Croise

Yɛrɛmaya 13:12

Mari ko ka ala kumɛ latenbi wo ma ko ale Isirɛlata Mari Alla ko a bɛnta, baan-barɛ bɛɛ la ni fa baan la. Kɔnɔ a ko wole si a fɔ nde, Yɛrɛmaya ye ko, “Ɔn, ma ya a lɔn ko fɔ baan-barɛnu na wa fa le baan la.”

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 25:27

Mari Sɛnbɛ-Bɛɛ-Tigi, Isirɛlata Alla, kɔni, wo ya a fɔ n ye ko n ni a ma, bɛɛ ni a min kɛ la alako bɛɛ yɛ la ni fin ha anu ni teseri. Anu ba bui, anu ti ke anu nasɔla tun ka a tɛgɛ kɛlɛ ma, ale Mari ye min natugula anu damasi kan ma, kɔni.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Yɛrɛmaya 48:26

Mari ko, “Wo ni Mohabu kɛnu lamin kɔlikɔli, bawo anu bara murutiya ale Mari ma. Mohabu si a mataragban a nyɛrɛ tesere gbɛ rɔ ha mɔgɛnu ni a mayɛlɛn.

Yɛrɛmaya 51:39

Babilɔn kɛnu kɔnkɔtoe min kɛ, Mari ko a si anu de-nyini. Anu ni fa pen! Anu kun ta si fin baan la. Wo kɔma, anu si anu sa kinɔgɔ rɔ. Anu ti kunden tun!

Yɛrɛmaya 51:7

A ko Babilɔn mani de Mari bolo iko sɛnɛ-yi-lafɛ min bi duninya bɛɛ laminna. Sibolo-wo-sibolo wa a min, wo kunyɛ si wuli.

Nimisa Koe 3:15

A ara a ma, n bara tɔrɔ iko bɛsi-kuna-minnɛ.

Nimisa Koe 4:21

Wole, ma yoge Idɔm minnu siginɛ Yusi nyamanɛnu tɔ, wo ni wo yɛlɛn bawo a ti mɛ tun tɔn si sigi wola yɛlan wo la. Wota kasarɛ ye nala wo ma. Wola ko-yogomɛnu si bɔ gbɛ ma. Wo gbu-makolɔn si to miliyɛ bolo.

Hɔbadaya 1:16

Ata mɔgɛnu ya tɔrɔya-yi min Yerusalɛm soe burɔ. Kɔnɔ wole minnu bi Yerusalɛmna foolɛ rɔ, wole si tɔrɔya-yi min min, a ko yi wo si kunaya ka tenbi ata mɔgɛnuta tɔrɔya-yi la pirr! Wole ata mɔgɛnu, wo yogenu ya wo tɔrɔya kɔnkɔ-sɛnimɛ kuma Yerusalɛm soe burɔ kɔnɔ wo yoge minnu bi Yerusalɛmna foolɛ rɔ, a ko wonu fanan si tɔrɔyɛ sɔrɔn ka tenbi wole la ka tunu tɔrɔyɛ bolo!

Nehami 3:11

A si ma ile Ninɛfa nyɛrɛ yala iko i wara i min ha i kun ta ara fin. I si i dogon-tinɛ nyini i yogenu kɔrɔ alako i si kisi nya min kɔnɔ i ti wo yen muk!

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 14:8

Melika fila nyɔgɛ bilara a fɔlɔtɛ fɛ. A ye a fɔla ko, “A ara bui. Babilɔn-so-belebele ara bui fogbo! Ala yɛlɛnya-nata min si mɔgɔ bira iko baan, a ara wo di mɔgɛ bɛɛ ma alako anu ni anu min wo la.”

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”