Yɛrɛmaya 25:12 - ALLALA KUMƐ

¹² San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 25:12 Iomraidhean Croise

2 Mansɛnu 24:1

Yahoyakim ye mansayɛ la tumɛ min, Babilɔn Mansa Nɛbukanasa tara bui Yuda nyamanita-mɔgɛnu ma. San sawa Mansa Yahoyakim ye Mansa Nɛbukanasa kɔrɔ. Wo kɔma, a murutiyara a ma.

2 Ko-Kɔrɔta-Karan 36:22

Mansa Sairasila mansayɛ san fɔlɔtɛ Pasiya nyamanɛ rɔ, Marita Nɛbi Yɛrɛmayata nɛbiya-kumɛ bɔra-a-la. Mari ya Mansa Sairasi yisi-kɔrɔ-tugu alako ka kilayɛ kɛ ranyɛnsɛn ala nyamanɛ mumɛ bɛɛ rɔ.

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 15:6

Yi-nɛ min tɔgɛ Nimirim, wo ara gbala todo, ado binyɛ min bi a dala, wo bɛɛ ara fɔsɔ. Fenfen nanfani ma to nyɔ.

Aiseya 20:1

Asiriya kɛlɛ-kurugbɛ ya ala Mansa Sarakɔnna kumɛ bira. A ko anu ni ta bui Filisitinuna soe Asadadi ka a bira-a-la.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 46:1

Mari ko Babilɔn bɛsɛnu wara-koe dan le kɛ la sɔɛn! Bɛsɛ min tɔgɛ Bɛli anubɛ Nibɔ, anu bi wonu kɔla nun kɔnɔ kaka, bɛsɛ wonu kirinɛ sofɛlɛnu kɔ tɛma. Anu bara ma dunɛ la dɔrɔn kolo-fen-bandannɛnu ye.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 25:14

Mari ko a si sibolo-gbɛrɛ donu tayili sara Babilɔn kɛnu na ka a tɛgɛ anu sɔn-yogomɛ ma. Sibolo siyamɛ anubɛ anuna mansɛnu si anu ma anuna yɔɔn la.

Yɛrɛmaya 27:22

Mari Sɛnbɛ-Bɛɛ-Tigi, Isirɛlata Alla ya kɛ le fɔ Bato-Bon-miran anubɛ bolon-miran kɛnuna ko la minnu tora Yerusalɛm. A ko fɔ kɛ bɛɛ wa ta Babilɔn. A ko anu si to nyɔ ha ale Mari ni ta anu bi-tinɛ. A ko a si sɛgi anu na ka anu sigi anu gba kɔrɛ rɔ tun wo wati rɔ.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Isikiyɛli 35:9

N si a ma nyamani-halakinɛ la tolon, ado mɔgɔ-wo-mɔgɔ ti sigi ala soenu tɔ tun! Wo wa ma tumɛ min, anu si a lɔn wo le ma ko Mari le nde la.

Habakuku 1:17

Anu si to anuna yalɛnu takolonyala ka to mɔgɛnu fagala tolon, kinikini sa anu tɔ, wa?