Yɛrɛmaya 24:10 - ALLALA KUMƐ

¹⁰ A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 24:10 Iomraidhean Croise

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

Aiseya 51:19

Kasara fila ara bui i ma nya-kun-kelen. Kɛlɛ ara ila nyamanɛ tinya, kɔnkɔ-fitinɛ ara ila mɔgɛnu bira, ado mɔgɔ-wo-mɔgɔ ma kinikini i ma.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 15:2

Ni wo ko, “Mintɔ,” a ko ka a fɔ wo ye ko ni kirayɛ la ara tɛgɛ min ma, wo ni faga kirayɛ bolo. Ni min kunyɛ ye tola kɛlɛ rɔ, wo kunyɛ ni to kɛlɛ rɔ. Ni kɔnkɔ-fitinɛ ye tala min na, kɔnkɛ ni ta wo la. Ni min kunyɛ ye tola biralɛ rɔ nyamani-gbɛrɛ rɔ, wo kunyɛ ni to birɛ rɔ.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 19:7

Mari ko a si wole, Yuda mɔgɛnu anubɛ Isirɛla mɔgɛnu miriya bɛɛ tinya kan-tina-kelan kɛ rɔ ka a ma, wo yogenu ni wole, Yuda kɛnu faga tɛrr! A ko a si a ma, wo furinu ni ma konanu anubɛ sogenu de-nyini-fan la.

Yɛrɛmaya 21:9

Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 29:17

Mari Sɛnbɛ-Bɛɛ-Tigi ko kɛlɛ-fitini wo, kɔnkɔ-fitini wo, kiraya-fitini wo, a si wonu nata Yerusalɛm kɛnu ma kaka. A ko a si anu ma iko toro-gbɔ-tulunɛ minnu ti dɔn tun.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 32:25

ado ma Tigi Mari, hali anu bi soe kɛ bira-koe rɔ, ile le ya a fɔ n ye ko n ni dugi kɛ san sereyɛnu yala.”

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Yɛrɛmaya 42:17

A ko Iyipiti ta-sɔgɛ ye mɔgɛ minnu na, ni wonu tɔgɔ ma to kɛlɛ la, anu tɔgɔ si to kɔnkɛ la, ni wo ma, kirayɛ. Hali mɔgɔ-den-kelan, a ti to a niyi la. A ko a ye kasarɛ min nanala anu ma, mɔgɔ-wo-mɔgɔ kunyɛ ti bɔ wo rɔ.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 5:12

Wole Marita mɔgɛnu bi a kan masɔsɔla. Wo ye a fɔla ko, “Mari ti ko-wo-ko ma male la. Tɔrɔyɛ ti sigi male la. Male ti kɛlɛ anubɛ kɔnkɛ yen.

Yɛrɛmaya 9:15

Nba, Mari Sɛnbɛ-Bɛɛ-Tigi, Isirɛlata Alla ko a ti mɛ tun, wole Yuda kɛnu ni dɔn-fen-kunanɛ dɔn ka wo min dawara-yi la.

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Isikiyɛli 33:27

“I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Isikiyɛli 6:11

N Tigi Mari Alla ya a fɔ nde, Isikiyɛli ye ko, “I bole sa i kuma ka i kiannu matɛn di-kɛ-tinɛ bawo Isirɛla bɔnsɔn-mɔgɛnu bara kisimiriya-ko-siyaman ma. Kɛlɛ wo, kɔnkɔ wo, kiraya wo, anu kunyɛ si to wo dama rɔ.

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Tɔn-Fɔɛ-Fila-Nyɔgɛ 28:21

A si kiraya-kuntan bɛɛ lana wo kuma. Hali mɔgɔ-den-kelen-bɛrɛni kɛndɛ ti to lanyiri-nyamanɛ rɔ.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.