Yɛrɛmaya 23:5 - ALLALA KUMƐ

⁵ Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 23:5 Iomraidhean Croise

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

Yaburi 45:4

I ni to kɛlɛ kɛla i sɛbɛ-kuna-wɛ la tonyɛ anubɛ telenbagayɛla ko la. I sɛnbɛ si a ma, i ni nɔ-ko sɔrɔn.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Yaburi 99:4

E, mala mansa-makawanɛ, ko-latelennɛ di i ye. I wara telenbagayɛ banban Isirɛla nyamanɛ rɔ. I wara na telenbagayɛ anubɛ lafisayabɛlitayɛ la.

Aiseya 33:5

Mari makawara! A ye mansayɛ la fan bɛɛ kun na. A ya Yerusalɛm lafa telenbagayɛ anubɛ ko-nyimɛ la.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 52:13

Mari ko ala wɔli-kɛlɛ si ala wɔlɛ nɔ le, ado mɔgɛnu si a bi ka a gbiliya.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Aiseya 9:5

Wola kɛlɛ-dannuna sanbarɛnu anubɛ yele ye duruki minnu ma, wo bɛɛ ye mintanna le gburr!

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 22:15

Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 30:3

A ko tumɛ do ye nala, a si koe bɛɛ lakinya iko a ye nya min nun fɔlɔ. Isirɛla mɔgɛnu wo, Yuda mɔgɛnu wo, a si sɛgi wonu na anu barɛ ka bɔ biralɛ rɔ. A ko a ya dugi min di anu benbanu ma, a si wo lasɛgi anu denu ma. A si to anu halalayɛ la. Mari nyɛrɛ kan le kɛ la.

Yɛrɛmaya 30:9

A ko wo si ale wota Mari Alla sako kɛ. A ye mansɛ min sigila ka bɔ Mansa Dawudata kebilɛ la, wo si to wɔlila wo ye.

Yɛrɛmaya 31:27

Mari ko wati ye nala, a si Isirɛla anubɛ Yuda nyamanɛnu nafa hadama-dan anubɛ kolo-fannu na.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Isikiyɛli 34:29

N si wɔli-kɛ-tina-hakikɛ di anu ma alako dɔn-fan ni wara nyamanɛ rɔ. Sibolo-gbɛrɛnu yɛ ti tɛgɛ anu tɔ tun ka anu mayɛlɛn.

Isikiyɛli 45:8

Ni nyɔ tora mansɛ ye, wo si a ma, a ti a mɔgɛ toenu yakɔrɔ-mamɔ tun dugila ko la. Nyamanɛ toe si to Isirɛla bɔnsɔn-mɔgɛ toenu ye.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 2:2

Anu ya nyinikalɛ kɛ ko, “Dennɛ min sɔrɔnta ka na ma mansɛ la Yahudiyanu kun na, wo ye mi? Ma ara a sɔrɔn-tamasere-lole yen ma warɛ tele-bɔɛ min kɛ, ma ara na a bato tinɛ.”

Yɔni 1:45

Filipi ya Nataniyɛli yen. A ya a fɔ a ye ko, “Musa ya mɔgɛ minna koe sɛbɛ tɔn-kitabu rɔ, ma ara wo yen, ado nɛbinu fanan ya wola koe sɛbɛ. A tɔgɛ le Yisa, Yusufula dan ka bɔ Nasarɛti soe burɔ.”

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

Hiburunu 8:8

Kɔnɔ Alla ya fɛɛ yen ala mɔgɛnu na sarama-kan-kɔrɛ fɛ bawo a ye a fɔla ko, “Wo ni wo yɛ lana. Wo tumɛ ye nala n bi sarama-kan-kurɛ kirila mabɛ wole, Isirɛla anubɛ Yuda kɛnu tɛma.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.