Yɛrɛmaya 23:29 - ALLALA KUMƐ

²⁹ Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɛrɛmaya 23:29 Iomraidhean Croise

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yɛrɛmaya 5:14

Woletɔ Mari Sɛnbɛ-Bɛɛ-Tigi ko wole, Yuda mɔgɛnu bi a fɔla ko a sa wo tɔrɔla. Woletɔ a ko a ye kumɛ minnu donna nde, Yɛrɛmaya da rɔ, wonu bi mala le iko tɛ, ado wo le manɛ iko tɛ siginɛ sɔgɔ-kundi min na.

Hoseya 6:5

Wo le ya a ma, n ya nɛbinu kilaya wo ma alako wonu ni kiti tɛgɛ anubɛ kasarɛ wara-koe fɔ wo ye. N bi nyinina min ma wo bolo, wo gbɛnɛ feufeu!

Luka 24:32

Anu ya a fɔ anu nyɔgɔn ye ko, “A ye kumala ma ye tumɛ min kilɛ la ka Allata kitabu faranfasi ma ye, a manɛ de nun iko ma kɔntɔ-diyanɛ bɛrɛkɛ!”

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Kɛwɔlɛnu 2:3

Anu ya fan donu yen minnu manɛ iko ta-mɛlan. Ta-mɛlan wonu manɛ iko mɔgɔ nagan. Wonu nyɛnsɛnta ka sigi mɔgɔ kelen-kelennamɛ-bɛɛ ma.

Kɛwɔlɛnu 2:37

Mɔgɛnu ya wo lamɔɛn tumɛ min, wo ya anu yisi tɔrɔ dɔgɔma-ma-de! Anu ya a fɔ Pita anubɛ Yisata kilayɛ doinu ye ko, “Ma na-kelen-nyɔgɛnu, ma si nfen ma gbɛ?”

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.