Yɛrɛmaya 23:25 - ALLALA KUMƐ

²⁵ Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 23:25 Iomraidhean Croise

Ko-Dabirɛnu 37:5

Lunyɛ do, Yusufu kiyora. A ya ala kiyo wo rakaran a na-kelen-nyɔgɛnu ye ko, “Wo ni wo tole masɔ nna kiyo la a kin na!” A ko, “N kiyora le bi suyi rɔ. Ma ye fui-fen-tɛgɛnɛ lakirila sɛnɛ rɔ. N ya a yen ko nta fui-fen-nakiri ara a lasɔ ka a latelen tede! Wota fui-fen-nakirinɛnu nara kinki nta fui-fen-nakiri wo la. Anu madunɛ ntɛ kɔrɔ.” A na-kelen-nyɔgɛnu ya a fɔ a ye ko, “Mansaya-sɔgɛ le ile la male kuma, wa?” Ka a tɛgɛ ala kiyo wo ma, a sɔgɔ labɔra a na-kelen-nyɔgɛnu na lass, ka tenbi a fɔlɔtɛ la.

Ko-Dabirɛnu 37:9

Yusufu ya kiyo-dogbɛrɛ sa tun. A ya wo rakaran a na-kelen-nyɔgɛnu ye ko, “N kiyora le bi-suyi rɔ. Tele wo, karɛ wo, anubɛ lolo tan-ni-kelen, wonu bara anu nyɛnkin n kɔrɔ.”

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 139:4

Mari, yanni kumɛ ni bɔ n da rɔ, i ya a lɔn n bi min fɔla.

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 14:14

Wo kɔma, Mari ya a fɔ n ye tun ko nɛbi wonu bi foninya-wɔlɔyiyɛ kɛla a tɔgɛ rɔ. A ko ale ma anu nata. A ma anu sɔ, ado a ma a sara anu na. A ko anuna ko-rayen wo, anuna yi-kɔrɔ-fɛlan wo, anuna bolo-tafɛlanyɛ wo, wo bɛɛ foninya. Anu nyɛrɛ miriya dɔrɔn, anu bi wo le wɔlɔyiya-kumɛnu fɔ-tinɛ.

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yɛrɛmaya 27:10

Foninya-nɛbi wonu bi anu yanfa-tinɛ le. Wonu si a ma, anu ni ta nyamani-gbɛrɛnu tɔ, ado ale Mari ko a si anu gben ka anu kasara.

Yɛrɛmaya 27:15

Mari nyɛrɛ ko ale ma kunta-kumalɛ kɛnu sɔ mumɛ! A ko anu bi ale Mari da-ragbala-tinɛ le. Woletɔ ile anubɛ nɛbi minnu bi foninyɛ fɔla i ye, a ko ale nyɛrɛ si tugu wo la ka wo faga.”

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Yɛrɛmaya 8:6

Mari ko a ya a wɔlɔ matɔlɔ wo la a kin na kɔnɔ fenfen ti bɔ wo da rɔ fɔ foninyɛ. Wo fenfen ma nimisa wo hakɛla ko la. Wo miriya ma ke wo sɔn-kɔrɛ wonu ma lefan anu boloka-koe ma. Bɛɛ ye a kun fɛ iko soee-kɛlɛta talɛ.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Matiyu 1:20

Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Luka 12:3

Wo ara min fɔ pinpi rɔ, wo la si mɔɛn gbɛ rɔ. Wo ara wɛwɛ-kumɛ min bɛɛ fɔ wola kankannu kɔma, wo la si wanka ka bɔ bɔn kun tɛma.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.