Yɛrɛmaya 23:24 - ALLALA KUMƐ

²⁴ Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Yɛrɛmaya 23:24 Iomraidhean Croise

Ko-Dabirɛnu 16:13

Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.”

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

2 Ko-Kɔrɔta-Karan 2:6

Yon si ke bɔn sɔla Alla ye? Hali san-kole kɛ kolo nya-wo-nya, nyɔ dɔgɔ ale ye. Ni n ya a Bato-Bɔn sɔ, kan tinɛ le wo la n si isɛnti mintan kan min Alla ye dɔrɔn.

2 Ko-Kɔrɔta-Karan 6:18

“Kɔnɔ nta Alla, duninya kɛ dɔgɔ i yala bawo i ti ke sigila mɔgɛnu tɛma. Hali san-kole min kolo, wo ti a bɔ i ye. I si kun bon-nɛ kɛ la kama worɔ?

Yobu 34:21

Hadama-dan ye koe min bɛɛsi mala, Alla kolan ye wo bɛɛ la.

Yobu 34:22

Pinpi-wo-pinpi sa nyɔ hakɛ-tigi si ke a dogonna min tɔ.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 139:7

Nde si ke tala mintɔ, ile sa kan min? N si ke n burila tala mintɔ, i kolan ti n yen kan min?

Yaburi 139:8

N ba yɛlɛ san-kole ma, i ye nyɔ. Hali n bi kanbɛ le tɔ, i ye nyɔ.

Yaburi 148:13

Wonu damasi ni Mari tanto. A tɔgɛ kolo tɔgɛ bɛɛ ko. Ala gbiliyɛ kolo fan bɛɛ ko minnu bi san-kole anubɛ dugu-kole ma.

Yaburi 90:8

I ye ma hakɛnu nabɔla gbɛ ma i yakɔrɔ. Hali ma hakɛ minnu dogonnɛ, i ye wonu yenna.

Hɛnkilimaya-Kumɛnu 15:3

Mari kolan ye kan-tinɛ bɛɛ la. Hali a nyimɛ anubɛ a yogomɛ, a si wo bɛɛ yen.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Yɛrɛmaya 49:10

Kɔnɔ Mari ko a si Isɔla nyamanɛ makolonya filili, ka anu dogon-tinɛ bɛɛ ma gbɛkole la. Idɔm mɔgɛ bɛɛ si kasara tɛrr! Hali mɔgɔ den kolo kelan, a ti to a niyi la.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Daniyɛli 2:22

Koe minnu nya-yen ma di anubɛ koe minnu dogonnɛ, ale le ye wonu nabɔla gbɛ ma mɔgɛ ye. Hali pinpirɔ-koenu, wonu bi gbɛ ma ale bolo bawo ale mayiginɛ wan-takanɛ rɔ.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Ɛfɛsa 1:23

Kirasiti bagbuyi le chɔchi-mɔgɛnu na. Ale le ye chɔchi da fala ado ale Kirasiti nyɛrɛ le ye fan bɛɛ da fala.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.