Yɛrɛmaya 23:20 - ALLALA KUMƐ

²⁰ ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 23:20 Iomraidhean Croise

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

2 Mansɛnu 23:26

Kɔnɔ hali wo, Mansa Manasa ya koe minnu tinya, wo ya a ma, Mari fonde bɔra Yuda kɛnu kuma, ado ha kaka, a fonde ma kima wɛ.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 14:24

Mari Sɛnbɛ-Bɛɛ-Tigi ara a keli ko a ara ban min miriya la fɔ wo wa ma le serr!

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Yɛrɛmaya 30:24

ado Mari si to diminyɛ wo kun na ha a ni ban mɔgɛ wonu tɔrɔla. A kɔrɔtɔnɛ si to ha tɔrɔyɛ min tabɛnnɛ a bolo, wo ni ban. Tele wo wa ke a ko wo ni na a lɔn.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 51:12

Wo ni kɛlɛ-tamasere-falafalɛ layɛlɛ san ma alako ma ni soe tarɛ keri. Wo ni kila-kandannɛnu kuma sa. Wo ni anu napɛrɛnnɛnu nata.” Mari ko a ye min sigila Babilɔn kɛnu ma, a si na wo sigi anu ma, yɔ!

Isikiyɛli 21:10

A dɛ lasanɛ mɔgɔ-faga-koe le la. A masusanɛ alako a ni malan-malan iko san-sɛran. Bawo nta mɔgɛnu ya nna makawandili-kumɛ anubɛ tɔrɔyɛ bɔrɔbɔ min kɛ, sewɛ ti taran kan-bo-kan.

Isikiyɛli 21:5

Bɛɛ si a lɔn wo le ma ko n bara nna faan sagan a rɔ anu kan ma, ado n ti a lasɛgi tun a lɛɛ rɔ.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Tɔn-Fɔɛ-Fila-Nyɔgɛ 4:30

Wo tenbi yakɔrɔ-mamɔɛ kɛ rɔ tumɛ min, ado koe kɛ bɛɛ ni ma wo la kɔnɔ tɔ-a-la, wo si wo yɛ lamunun Mari la ka ata kumɛ latɔnbagaya,