Yɛrɛmaya 23:17 - ALLALA KUMƐ

¹⁷ Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 23:17 Iomraidhean Croise

2 Samuwɛli 12:10

A ko nba, min bi nala mala ile la gbɛ, ka a bi ila dannu ma ka a sigi i kegeyɛnu na, mɔgɔ kelen-kelen si faga wo dama rɔ tɔrɔyɛ bolo bawo i wara ata kumɛ tinya ka Yurayala musi bi.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Aiseya 57:21

Alla ko karagbɛlɛnu ti yisi-kimɛ sɔrɔn.

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 18:12

Kɔnɔ Mari ko wole, Yuda mɔgɛnu si na a fɔ worɔ ko wo ti wo dɛ bila wo rɔ. Wo si a fɔ fanan ko wo ye tola wo sako le tɔ. Wo si to wola yisi-gbɛlɛya-koe anubɛ wola tengberenya-koenu kun na.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Yɛrɛmaya 4:10

Wo kɔma, nde, Yɛrɛmaya ya a fɔ ko, “E, n Tigi Mari, i wara Yuda kɛnu anubɛ Yerusalɛm kɛnu bolo labira. I ya a fɔ nun ko anu si yisi-kimɛ sɔrɔn kɔnɔ yaga, faan-sungban le bɛnnɛ anu kan-kɔrɛ ma.”

Yɛrɛmaya 5:12

Wole Marita mɔgɛnu bi a kan masɔsɔla. Wo ye a fɔla ko, “Mari ti ko-wo-ko ma male la. Tɔrɔyɛ ti sigi male la. Male ti kɛlɛ anubɛ kɔnkɛ yen.

Yɛrɛmaya 6:14

Mari ko wo ye wola mɔgɛnuna tɛlɛ-wɛnu dandanna iko wo si purupurɛ dandan nya min. Wo ye tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Yɛrɛmaya 8:11

Mari ko wonu bi wole, ala mɔgɛnuna tɛlɛ-wɛnu dandanna iko anu si purupurɛ dandan nya min. Anu bi tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Yɛrɛmaya 9:14

Yanni wo ni wo ma, fɔ wo ya wo tole gbɛlɛya min kɛ ka bɛsi Beyali kɔ, ado wo benbanu denu ya wo karan wo ma.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 13:10

“Anu bi nna mɔgɛnu bɔla nta kilɛ fɛ bawo anu bi a fɔla ko yisi-kimɛ ye yan, ado yisi-kima sa kan-tinɛ wo rɔ. Ndeta mɔgɛnu bi tarɛ sɔla min ta ma gbɛlɛ. Foninya-nɛbi kɛnu bi nala bɔnku-gbɛ layɛlɛla tarɛ wo ma alako a ni kinya dɔrɔn.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Emɔsi 9:10

A ko minnu ba a fɔ ko, “Alla ti sɔn ko-wo-ko ni male dumɛ,” hakɛ-tigi wonu kunyɛ si to kɛlɛ rɔ.

Maika 2:11

“Mari ko wole kensuntenu bi nyinina foninya-nɛbinu ma minnu si wo mayuwaya. Wonu si belenna a fɔla wo ye ko, ‘Baan-feremɛnu bi wola ko la duk!’

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 3:5

“Nɛbi donu bi nyɔ minnu bi Allata mɔgɛnu yanfala. Minnu bi wonu sarala, anu bi yisi-kima-koe fɔla wonu ye. Minnu sa anu sarala, anu bi kɛlɛ-koe fɔla wonu ye wɔlɔyiya-kumɛ rɔ. Mari ye a fɔla mɔgɔ-mayuwaya-nɛbi wonu ye ko

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Yilan-Yilan Koe 11:20

kɔnɔ wo si to a dɔnna ha karɛ kelen. A ko wo si a dɔn ha a ni bɔ wo sunyɛ rɔ. A ko wo si to a dɔnna ha a wuyɛ ni sigi wo ma. Min ya a to a ye kɛ mala, a ko bawo mɔgɔ-fisiri-fasarɛ le wole la. A ko wo ara da-magboya-kumɛ fɔ, hali wo ye a fɔla ko a fisa nun hali wo tora Iyipiti.”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Tɔn-Fɔɛ-Fila-Nyɔgɛ 29:18

Kei wo, musu wo, kebila wo, bɔnsɔn wo, wo ni a ma wo fɛrɛma, wo kana sibolo-gbɛrɛnuna bɛsɛnu kɔ ka wo kan-kɔ sɔ wota Mari Alla la. Ni min ya wo ma, wo si ma wo tɛma iko kulu-dalamɛ min bi mɔgɔ nyinina a kin-gbɛ ma.

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.