Yɛrɛmaya 23:12 - ALLALA KUMƐ

¹² Pinpi si burun anuna kilɛ ma, a ni nama gbalaki! Anu si to namala ka bui. A ko a si kasarɛ lana anu ma, ado anu tɔrɔ-tele ye nala. Ale Mari kan le kɛ la.

Yɛrɛmaya 23:12 Iomraidhean Croise

Yobu 18:18

Anu si a gben mɔgɔ-nimɛnu tɛma ka a wara-koe ka-a-la. Anu si a bi wan-takanɛ rɔ ka a latuntun pinpi rɔ.

Yaburi 35:6

Ita melika tenbi anu sɔnsɔnna alamɛ pinpi burunta anuna kilɛ la. Anu ni nama gbalaki!

Yaburi 73:18

I si ta anu sɔ kila-namanɛ la alako anu ni bui kasarɛ rɔ.

Yaburi 82:5

Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Aiseya 8:22

anubɛ ka anu yɛ gbala dugi la, anu ti fenfen yen fɔ tɔrɔyɛ anubɛ pinpi. Anu bi tala kan min, anu ti fenfen taran nyɔ fɔ pinpi-makilanni-bɛ.

Yɛrɛmaya 11:23

A ko mɔgɔ-wo-mɔgɔ ti to a niyi la Anatɔti soe burɔ. A ko a si kasarɛ lana anu kuma anu tɔrɔ-san wo nyɛrɛ ma.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Yɔni 12:35

Yisa ya anu yabi ko, “Waan si to wo fɛ wati-ni fɔlɔn. Yanni pinpi ni burun wo ma, wo ni to tagamana waan wo rɔ, ado min bi tagamana pinpi rɔ, wo ma a ta tinɛ lɔn.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

1 Yɔni 2:11

Kɔnɔ ni gboyanayɛ ye anubɛ a na-kelen-nyɔgɔn tɛma, wo tigi ye pinpi rɔ. A ye tagamana pinpi rɔ. A ma a ta-tinɛ lɔn hali, bawo pinpi ara a fiyonya.

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!