Yɛrɛmaya 23:10 - ALLALA KUMƐ

¹⁰ Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 23:10 Iomraidhean Croise

Ɛsira 10:18

Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Aiseya 5:18

Gbalo ye wo ma bawo wo ti ke wo nyɛrɛ purukulula hakɛ kɔrɔ.

Yɛrɛmaya 12:11

Anu si nta sɛnɛ-hakikɛ yɛlɛma wula-da-rakolɔn la. A makolɔn sanɛ filili! Nyamanɛ mumɛ ara ma wula-da-rakolɔn la. Kɔnɔ wo bɔrɔ sa taranna mɔgɔ-wo-mɔgɔ ye.

Yɛrɛmaya 14:2

wole, Yuda nyamanita-mɔgɛnu bi diyi kun na gbɛ bawo wola so-burɔ-mɔgɛ bɛɛ ye faga-tinɛ le. Wo bonnɛ dugi ma di-kɛ-tinɛ, ado wole, Yerusalɛm kɛnu bi wo dɛ sala-a-rɔ wo dɛnbɛn-koe rɔ lungbɔn!

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:12

N ya nyinikalɛ kɛ, n ko nfenna wɔli-kɛ-tinɛnu tinyanɛ? Nfenna nyɔ ara ma iko wula-da-rakolɔn, mɔgɛ ti tenbi kan min? Hɛnkilimɛ mintan si ke koe kɛnu kɔrɛ nya-yenna? Marita karan-dan yon si ke a miriyɛ kɛ rakaranna?

Yɛrɛmaya 9:2

Alako bon-nɛ taranta n bolo wulɛ rɔ nun, n si to n dan na kan min. Ni wo mara, n si ke bɔla le wole, nta mɔgɛnu tɛma worɔ. N si n masɛgi wo la worɔ. N bi wo mala bawo wo do-wo-do ma telen Alla ye. Wo dama ara wo kan-kɔ sɔ Mari la.

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Yowɛli 1:10

Sɛnɛ bɛɛ ara ma gbɛkole la. Dugi fanan bi dila bawo sɛnita-fannu anubɛ ki-fannu bara kasara.

Saraka-Masɔlɛnuta Tɔnnu 5:1

“Ni mɔgɔ ya hakɛ kɛ sufanu kɛ, a bɛnta a ni to sarakɛ kɛnu bɔla a hakɛla ko la. “Ni anu ya mɔgɛ do kele kiti tɛgɛ tinɛ kɔnɔ a ya min namɔɛn ani a ya min tayen, ni a ma sɔn wo bɛɛsi rakaranna, wo hakɛ si to a kuma bawo a ma sɔn sereyɛ bɔla.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.