Yɛrɛmaya 23:1 - ALLALA KUMƐ

¹ Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 23:1 Iomraidhean Croise

Yɛrɛmaya 10:21

Nde, Yɛrɛmaya ya a fɔ wo ye ko mala kun-tiginu hɛnkili sa. Anu ti anu gbɛrɛn Mari ma anu dɛnbɛn-koe la. Woletɔ mala mɔgɛnu sa sabatila. Ma ara nyɛnsɛn mala mɔgɔ-banu ma.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 2:26

Ni mɔgɛ ara kankan bira kankanya-kɛ-tinɛ, a si miliya, ado wole Isirɛla mɔgɛnu fanan bara miliya wo nya na le. A mansa wo, a kun-tigi wo, a saraka-masɔla wo, a nɛbi wo, wo bɛɛ ara miliya tɛrr!

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 22:22

Kɛlɛ si wola mɔgɔ-banu anubɛ wo ta-nyɔgɛ bɛɛ bira iko fɔnyɔ si fan bi nya min ka ta a la. Ka a tɛgɛ wola wunduyogoyɛ wonu ma, wo mawurannɛ si to yarabiyi bolo.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Isikiyɛli 13:3

“Nde, wo Tigi Mari ko gbalo ye foninya-wɔlɔyiya-kuma-fɔla-fuyi kɛnu kuma. Anu bi anu bilala anu nyɛrɛ miriya le fɛ. Anu bi foninya-ko-rayira-kumɛ wonu bɔla anu kunyɛ le tɔ dɔrɔn.

Isikiyɛli 34:1

Mari kumara n ye ko

Isikiyɛli 34:21

Minnu baranɛ, saga-tɔlɔnɛnu tora wonu tɔntɔnna anu kunyɛ la ka anu gben anu kurun tɔ.

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 36:38

Bi ma, soe minnu tinyata, wonu na si fa mɔgɛnu na iko Yerusalɛm na si fa saraka-sagɛnu na nya min ladɛn-wati rɔ. Wo kɔma, anu ni to a lɔnna wo le ma ko nde le Mari la.”

Sakaraya 10:3

Mari ko minnu bi ala mɔgɛnu kun na mansayɛ la, a fonde tɔrɔnɛ a ma wonuna ko la. A ko fɔ a wa kun-tigi wonu tɔrɔ. Mari Sɛnbɛ-Bɛɛ-Tigi ko atɛ le Yuda mɔgɛnu na. A ko anu kumafɛlɛnnɛ le ale la. A ko a si anu ma mɔgɔ-makilannɛnu na iko soee-kɛlɛ-tatalɛnu.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Matiyu 9:36

A ya nyama yen tumɛ min, a yisi lafara kinikinɛ la anuna ko la bawo anu kɔndɔfilinɛ. Anu ti ke anu nyɛrɛ fɛ-birala iko sagɛ minnu fɛ-birala sa.

Yɔni 10:10

Kankan sa nala fenfenna ko la fɔ kankanyɛ anubɛ fagalɛ anubɛ tinyalɛ. Nde nara alako anu ni ni-kurɛ sɔrɔn, ado anu si a sɔrɔn bui!

Yɔni 10:12

Min bi a sarɛ birala dɔrɔn, mintan ma sagɛnu na, kɔni, saga-fɛ-birala-bɛrɛ ma wo la. Wo wa suluki yen nala tumɛ min, a si anu boloka ka a buri. Nba, suluki si sagɛ do bira ka a toenu tanyɛnsɛn.

Yɔni 10:8

Min bɛɛ nara nde yarɔ, kankan le wonu na anubɛ bui-ma-kɛlɛnu. Kɔnɔ sagɛnu ma anu tole masɔ wonu kan la.