Yɛrɛmaya 22:6 - ALLALA KUMƐ

⁶ Mari ko Yuda mansɛla bolɔnta kinyɛ manɛ iko Kaliyadi nyamanɛ anubɛ Lɛbanan kɔnkɛnuna kinyɛ. Kɔnɔ a ko hali wo, a si a tinya ka a ma tonbɔn la.

Yɛrɛmaya 22:6 Iomraidhean Croise

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

Keninteya-Siginu 4:1

N diyana-musi, i kin dɔgɔma-ma-de! I yɛ kɛlɛlɛ i yakɔrɔ-masansan-kurɛ kɔma. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Keninteya-Siginu 5:15

A worenu tagbɛlɛ iko kuri-sɛnbɛrɛn-kɔn minnu sɔnɛ sɛnɛ-bɛrɛ kuma. A mansa-kɛ-bɔɛ kɛnɛ burun iko bandan!

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 37:24

fɔ a ye kilayɛnu nanala ka a nyɛrɛ matɔgɔ. A ko ale Sɛnakaribu ye a fɔla ko anubɛ ala kirindinu ya Lɛbanan kɔnkɔ-layan-bɛnu nɔ ka kɔlɔma-layan-bɛnu nawuya hali ka ta gbɔngbɔn-makilannɛ bɛɛ kɔrɔ.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 21:11

Mari ko n ni sarakanɛ kɛ latenbi wole, Yuda mansaya-bɔn la, Dawuda kegeyɛnu, kɔni. Mari ko wo ni wo tole masɔ a kan la. Wo ni to ko-latelennɛ kɛla tolon! Mɔgɛ min kensunnɛ, wo ni wo latanka a kensunte ma. Ni wo ma wo ma, a ko ata fondo-labɔɛ si ma iko tɛ min si mintanni kɛ a yisi ma, ado tɛ wo dufen-nya sa.

Yɛrɛmaya 21:14

A ko a si wo tɔrɔ ka tɛ tugu wola mansaya-bolɔn la iko wo ara sɔn-yogomɛ min nabɔ. Tɛ wo si fan bɛɛ mintan ala foolɛ rɔ. Ale Mari nyɛrɛ kan le kɛ la.

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 4:20

Kasarɛ ara sa kasarɛ kuma. Nyamanɛ bɛɛ ara halaki pɔ! Mata fani-bɔnnu bara halaki nya-kun-kelen. Fani-bɔn-yorolannu bara fogbɔ.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 50:12

Kɔnɔ hali wo, anuta so-karantan si miliya yarabiyi bolo. A ko Babilɔn mankan ma si yigi ka tenbi nyamanɛ bɛɛ la, ado a si ma kɛn-dugi la.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sakaraya 11:1

Ile Lɛbanan nyamanɛ, ila dɛnu naka alako tɛ ni na sida-kɔlɔma bɛɛ mintan i rɔ.

Yilan-Yilan Koe 32:1

Ninki siyaman bi Rubɛn bɔnsɔn anubɛ Kadi bɔnsɔn bolo. Anu ya a yen ko Yasa anubɛ Kaliyadi duginu kin, ado bin siyaman bi nyɔ anuna kolo-fannu si min dɔn.

Tɔn-Fɔɛ-Fila-Nyɔgɛ 3:25

I yandi, Mari, a ma, n ni Yorodan bɛ tɛgɛ. N ni dugu-hakikɛ wo yen n yɛ la bɛ kɔgɔma. N ni kɔnkɔ-nyamani-hakikɛ wo yen n yɛ la anubɛ Lɛbanan kɔnkɛnu.’ ”