Yɛrɛmaya 22:30 - ALLALA KUMƐ

³⁰ Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 22:30 Iomraidhean Croise

Yobu 18:19

A kegeya fenfen ti taran tun, ado a siginɛ kan min nun, mɔgɔ-wo-mɔgɔ ti to a niyi la nyɔ.

Yaburi 94:20

Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Yɛrɛmaya 10:21

Nde, Yɛrɛmaya ya a fɔ wo ye ko mala kun-tiginu hɛnkili sa. Anu ti anu gbɛrɛn Mari ma anu dɛnbɛn-koe la. Woletɔ mala mɔgɛnu sa sabatila. Ma ara nyɛnsɛn mala mɔgɔ-banu ma.

Yɛrɛmaya 2:37

ado wo bole sanɛ si bɔ wo kuma Iyipiti nyamanɛ rɔ miliyɛ bolo. Wo yili latɛgɛnɛ nyamanɛ kɛnu ma kɔnɔ Mari ara a ban wonu na. Wo ti dɛnbɛni-wo-dɛnbɛni sɔrɔn wonu bolo.

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Yɛrɛmaya 36:30

Woletɔ Mari ye a fɔla ale Mansa Yahoyakimla ko la ko a ti den-wo-den sɔrɔn min si Mansa Dawuda gbɛ bi hali! A ko anu si a furi lakɛ a rɔ, tele si to a mamintanna, duri si to a kimala suyi rɔ.

Yɛrɛmaya 52:10

Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Anu ya Yuda mɔgɔ-banu fanan faga Ribila soe burɔ.