Yɛrɛmaya 22:3 - ALLALA KUMƐ

³ Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 22:3 Iomraidhean Croise

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

2 Mansɛnu 24:4

katarala Mansa Manasa ya mɔgɔ-magbalanɛ minnu faga. Mari ti a makoto ko-yogomɛ wonu na.

Yobu 22:9

I ya i ban kɛɛ-musinu dɛnbɛn-koe ma. Wo kɔma, i ya kelennɛnu kankan ka anu bira boloko-yogomɛ-kɛ.

Yobu 24:9

Karagbɛlɛnu si kelennɛnu don yɔɔnyɛ rɔ. Anu si bolo-kolɔnnuna dannu ma yili-sarɛnu na.

Yaburi 68:5

Alla min siginɛ a Bato-Bon-sɛnimɛ la, a kolan sanɛ kelennɛnu anubɛ kɛɛ-musinu fɛ.

Yaburi 82:4

Wo ni sɛnbɛbɔnɛnu anubɛ kɛlɛ-kɔrɔ-maburilɛnu tanka karagbɛlɛnu masibɛ ma. Wo ni anu bɔ wunduyogenu bolo tɔ.”

Yaburi 94:6

Anu bi kɛɛ-musinu anubɛ kelennɛnu fagala. Anu bi ma warɛ-sundannu fagala.

Bɔ-Koe-Iyipiti 22:21

“Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Bɔ-Koe-Iyipiti 22:22

“Wo kana kɛɛ-musinu anubɛ kelennɛnu tɔrɔ.

Hɛnkilimaya-Kumɛnu 23:10

I kana dan-kuri bɔ a gbɛ rɔ ka kelennɛnuna dugi do tɛgɛ a la

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Aiseya 58:7

Wo ni kɔnkɔtoenu kɔ dɔn-fan rɔ. Bon sa minnu bolo, wo ni wonu nadon wo kuma. Wo ni kurɛ di fɛrɛyatoenu ma. Wo kana wo ban wo na-kelen-nyɔgɛnu dɛnbɛn-koe ma.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Yɛrɛmaya 26:16

Wo kɔma, wole mɔgɔ-banu anubɛ wole, a mɔgɛ toenu ya a fɔ saraka-masɔlɛnu anubɛ nɛbinu ye ko, “Kei kɛ ara kuma ma ye mata Mari Alla le tɔgɛ rɔ. A ma bɛn, a ni faga.”

Yɛrɛmaya 5:28

Woletɔ anu bara kunbaya dɔn-fen-diyamɛ bolo. Tɛtɛgɛ-wo-tɛtɛgɛ sa anuna ko-yogoma-kɛ la. Kelennɛnuna hina sa anu tɔ. Anu ti sɔn bolo-kolɔnnuna tonyɛ dila anu ma.

Yɛrɛmaya 7:23

A ko a ma dan wo dɔrɔn ma de! A ya a fɔ anu ye fanan ko ni anu ya ata kumɛ bira, ale si ma anuta Alla la. Anu denu fanan si ma ata mɔgɛnu na. A ko ni anu ya ala tɔn bɛɛ bira, ko-nyimɛ si to mala anu ye.

Yɛrɛmaya 9:24

Ni nyɛrɛ-matɔgɔ-sɔgɛ ye min na, wo tigi ni a fɔ ko ale le ya ale Mari lɔn a kila-bɛrɛbɛrɛ fɛ. A ni a diya-a-la ko ale Mari le ata Mari la. A ni a diya-a-la ko Marita keninteyɛ kolo, ado a telenta. A ni a diya-a-la ko Mari ye ko-telennɛ le mala dugu-kole kuma. Mari ko matɔgɔ-sufa wo le ye a diya donna ale rɔ. Mari kan le kɛ la.

Nimisa Koe 3:36

Anu ba mɔgɔla tonyɛ radu kiti-sa-tinɛ, wo ma di n Tigi Mari ye, ado a kolan sɔnɛ wo bɛɛ la.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Yowɛli 3:19

Mari ko Iyipiti si ma wula-da-rakolɔn la. Idɔm si ma nyamani-kasaranɛ la. Wo ye mala bawo anu nara bui Yuda nyamanɛ ma ka mɔgɔ-magbalanɛnu faga nyɔ.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Emɔsi 5:24

Yanni wo ni wo ma, wola ko-latelennɛnu ni wara iko bɛ wa yanbɛ gbesi, a ma ti sagan mumɛ!

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 23:23

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye yaka bɔla nako-fen-mɛsɛnu tɔ kɔnɔ wo ye wo banna karan-kolomɛnu bira-koe ma. Tɔn minnu bi iko telenbagayɛ, kinikini, anubɛ dɛnkɛninyɛ, wo bannɛ wonu ma. A bɛnta, wo ni kɛnu denu ma anubɛ wo ye doi min bɛɛ kɛla.

Tɔn-Fɔɛ-Fila-Nyɔgɛ 10:18

Wo ni a lɔn ko Mari ti sɔn mɔgɛ ni kɛɛ-nyaganɛnu anubɛ kelennɛnu bira boloko-yogomɛ-kɛ. Sundan minnu bi wo tɛma, wonu di Alla ye, ado ale le ye anu makoe nyinyala.

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 25:1

“Ni Isirɛla mɔgɔ fila sɔsɔra, anu si ta kiti-tɛgɛlɛnu bara. Ni kiti-tɛgɛlɛnu ya kumɛ wo mafɛlɛn, mɔgɔ kelan yo, mɔgɔ kelan yiliki,

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’

Yemesi 1:27

Ma Fa Alla si sɔn dina min ma, wo le kɛ la. Wo tigi ni kelennɛnu anubɛ kɛɛ-musinu dɛnbɛ anuna tɔrɔyɛ rɔ. A ni a nyɛrɛ sɛninyanɛ mara duninya-ko-yogomɛ-bɛɛ ma. Dina kɛ, fɛɛ-wo-fɛɛ sa a la, ado dina-latinyani ma.