Yɛrɛmaya 22:28 - ALLALA KUMƐ

²⁸ Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Yɛrɛmaya 22:28 Iomraidhean Croise

2 Samuwɛli 5:21

Filisitinu ya anu buri Mansa Dawuda kɔrɔ tumɛ min, anu ya anuna bɛsɛnu to nyɔ. Mansa Dawudala keminɛnu ya wonu bi ka ta anu tinya.

2 Ko-Kɔrɔta-Karan 21:20

Mansa Yɛhoram kɛ mara mansɛ la a sɔrɔn-san bi-sawa ani san fila nyɔgɛ le ma. San segin, a ye mansayɛ la ka bɔ Yerusalɛm soe burɔ. A fagara tumɛ min, mɔgɔ-wo-mɔgɔ ma di. Anu ya a togon Mansa Dawuda halala-luyi ma kɔnɔ anu ma a sa mansɛ doinu dafɛ.

Yaburi 31:12

Mɔgɛ bɛɛ ara nyina n ko. A mani de iko n bara faga le. N mani de iko mɔgɛnu bi bɔnku-daga-gbɛnkian min nakɛla a rɔ.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 22:27

Nyamanɛ-kɛ-sɔgɛ si anu bira dɔgɔma-ma-de, kɔnɔ anu ti anu yɛ masa yan ma tun.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 37:1

Babilɔn Mansa Nɛbukanasa ya Yosayala den Sɛdɛkaya sigi Yahoyakimna den Yɛhoyasin gbɛ rɔ Yuda nyamanɛ rɔ.

Yɛrɛmaya 48:38

Fenfen sa nala taranna Mohabununa bɔnnu na anubɛ barɛnu tɔ fɔ diyi kɛ bawo Mari ko a si na Mohabu nyamanɛ ratii iko mɔgɛ si bɔnku-dagɛ ratii nya min mɔgɔ-mako sa min na.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Hoseya 8:8

Wole Isirɛla mɔgɛnu bara ma iko sibolo-gbɛrɛnu. Wo ara ma iko bɔnku-daga-gbɛnkian mɔgɛ mako sa min na.