Yɛrɛmaya 22:24 - ALLALA KUMƐ

²⁴ Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 22:24 Iomraidhean Croise

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 24:15

A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

1 Ko-Kɔrɔta-Karan 3:16

Yosayala den Yahoyakim ya den-kei mɔgɔ fila sɔrɔn, Yɛhoyasin anubɛ Sɛdɛkaya.

2 Ko-Kɔrɔta-Karan 36:9

Yɛhoyasin ya mansayɛ sɔrɔn Yuda nyamanɛ rɔ a sɔrɔn-san tan-ni-segin nyɔgɛ le ma. A ye mansayɛ la ka bɔ Yerusalɛm soe burɔ karɛ sawa tele tan kɔnɔ Mansa Yɛhoyasin fanan bilara Mari la.

Keninteya-Siginu 8:6

Mɔgɔ-wo-mɔgɔ kana diya i ye nde kɔma. I kana i bole don musu-wo-musu kawɛ kɔrɔ nde kɔma. Fen de keninteyɛ la min makawara iko sayɛ. Keliyɛ fanan gbɛlɛ iko sayɛ. Keliyɛ mani de iko ta-mɛlɛn-nɛ wa a labɔ woron-gbalɛ ma.

Aiseya 49:16

Mari ko a ti nyina male Yerusalɛm kɛnu ko hali! A ara ma tɔgɛ sɛbɛ a kɔɛn burɔ gbarr!

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 22:28

Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Yɛrɛmaya 22:6

Mari ko Yuda mansɛla bolɔnta kinyɛ manɛ iko Kaliyadi nyamanɛ anubɛ Lɛbanan kɔnkɛnuna kinyɛ. Kɔnɔ a ko hali wo, a si a tinya ka a ma tonbɔn la.

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 28:4

Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Yɛrɛmaya 29:2

Mansa Yɛhoyasin anubɛ a na tara birɛ rɔ tumɛ min, anubɛ Yerusalɛm mɔgɔ-banu anubɛ Yuda kun-tigi toe anubɛ nyɔ-boloma-wɔli-kɛlɛnu anubɛ nyɔ-siyakinu, n nara to kɛdi kɛ sɛbɛla.

Yɛrɛmaya 37:1

Babilɔn Mansa Nɛbukanasa ya Yosayala den Sɛdɛkaya sigi Yahoyakimna den Yɛhoyasin gbɛ rɔ Yuda nyamanɛ rɔ.

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.