Yɛrɛmaya 22:20 - ALLALA KUMƐ

²⁰ Wole Yerusalɛm kɛnu, wo ta Lɛbanan nyamanɛ rɔ ka wo dɛ bolobɔ. Wo ta di Basan nyamanɛ rɔ. Wo ni wo kuli mayɛlɛ di-kɛ-tinɛ Mohabu kɔnkɛnu ma bawo wo yogenu bara wo dɛnbɛnɛnu nɔ.

Yɛrɛmaya 22:20 Iomraidhean Croise

2 Mansɛnu 24:7

Iyipiti mansɛ anubɛ ala kɛlɛ-dannu ma ke bɔla Iyipiti tun bawo Babilɔn mansɛ ara ala nyamanɛ donu bi a bolo ka a bi Yufereti bɛ ma ha ka ke Iyipiti dan doi ma kantɔ-wara la.

Aiseya 57:13

Wo wa di wo dɛnbɛn-koe rɔ, wola foninya-bɛsi-ladɛnnɛnu ni wo dɛnbɛ. Hali fɔn-fɛlɛfɛlɛnɛ, a si ta bɛsɛ wonu na. Kɔnɔ a ko minnu lanɛ ale la, nyamanɛ ye mala wonu denu halalɛ la. Wonu denu si to a batola ata kɔnkɔ-sɛnimɛ kuma.

Yɛrɛmaya 2:25

Mari ko wole, Isirɛla mɔgɛnu kana wo buri ha wo kian ma ni wulen kɔli-fannu-nyinɛ bolo, ado wo kana wo buri ha wo niyi tɛ ni tɛgɛ kɔli-fannu-sɔrɔn-koe la. Wo ye a fɔla wo bɛɛ rɔ ko bɛsɛ wonu denu di wo ye. Wo ko fɔ wo wa anu kɔ le serr!

Yɛrɛmaya 2:36

Wo toni ma kan-tina-kelen ma wo dɛnbɛn-koe rɔ. Asiriya kɛnu ya wo baya nya min, Iyipiti kɛnu bi nala wo bayala wo nya na le,

Yɛrɛmaya 2:37

ado wo bole sanɛ si bɔ wo kuma Iyipiti nyamanɛ rɔ miliyɛ bolo. Wo yili latɛgɛnɛ nyamanɛ kɛnu ma kɔnɔ Mari ara a ban wonu na. Wo ti dɛnbɛni-wo-dɛnbɛni sɔrɔn wonu bolo.

Yɛrɛmaya 22:22

Kɛlɛ si wola mɔgɔ-banu anubɛ wo ta-nyɔgɛ bɛɛ bira iko fɔnyɔ si fan bi nya min ka ta a la. Ka a tɛgɛ wola wunduyogoyɛ wonu ma, wo mawurannɛ si to yarabiyi bolo.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Nimisa Koe 1:19

“N ya n kenintenu kele n dɛnbɛn-koe rɔ kɔnɔ anu ya anu ban n bolo gbat! Nna saraka-masɔlɛnu anubɛ kun-tiginu bi fagala kɔnkɛ bolo. Anu bi anu niyi lakandanna fen-nyini-tinɛ kɔnɔ anu ti ke a sɔrɔnna.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Isikiyɛli 23:22

“Woletɔ nde, Mari ye a fɔla Oholiba ye ko, ‘Oholiba, ile Yerusalɛm, kɔni, hali a taranta keinu sɔgɔ la ara bɔ i la, n si a ma, anu ni diminya i ma ka na i lamini.

Isikiyɛli 23:9

Woletɔ nde fanan ya a latenbi ala Asiriya keminɛ wonu ma bawo wonu di a ye kati!

Isikiyɛli 27:6

Anu ya Ɔki kɔlɔmanu bɔ Basan nyamanɛ rɔ ka kɔn-gbɛlɛmɛ wonu ma kulɔn wo laburi-fannu na. Anu ya pain-fɛrɛn-hakikɛnu bɔ Saiparasi yi-tɛma-dugi rɔ ka wo ma kulɔn wo kole-ladan-fan la ka sogo-ba-nyin basan wo la tala.

Yilan-Yilan Koe 27:12

Mari ya a fɔ Musa ye tun ko, “Ta Abarim kɔnkɛ kuma. N bi nala nyamanɛ min dila Isirɛla mɔgɛnu ma, i ni wo bɛɛ mafɛlɛn.

Tɔn-Fɔɛ-Fila-Nyɔgɛ 32:49

“Mohabu nyamanɛ kɛ rayen Yɛrikɔ soe ya-telen tɔ Abarim kɔnkɛnu bi kan min. Ta, i ni yɛlɛ Nibɔ kɔnkɛ kuma nyɔ rɔ. I ni Kenan nyamanɛ mafɛlɛn n bi nala min dila Isirɛla mɔgɛnu ma.