Yɛrɛmaya 22:17 - ALLALA KUMƐ

¹⁷ Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Yɛrɛmaya 22:17 Iomraidhean Croise

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

2 Mansɛnu 23:37

Kɔnɔ ale mansɛ bilara Mari la iko a benbanu ya a ma nya min.

2 Mansɛnu 24:4

katarala Mansa Manasa ya mɔgɔ-magbalanɛ minnu faga. Mari ti a makoto ko-yogomɛ wonu na.

2 Ko-Kɔrɔta-Karan 36:8

Mansa Yahoyakim ya koe min bɛɛsi ma ala mansayɛ kɔrɔ katarala a ya kisimiriya-koenu anubɛ ko-yogomɛ minnu ma, anu ya wonu sɛbɛ Isirɛla anubɛ Yuda mansɛnuna buku do rɔ. Ala den Yɛhoyasin sigira a gbɛ rɔ.

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Hɛnkilimaya-Kumɛnu 24:2

bawo anu miriya bɛnni ma fenfen ma fɔ ka nanparan ratɛgɛ. Anu ya anu dɛ sɔ mɔgɔ-wo-mɔgɔ ma, wo yisi si tɔrɔ a ma.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 19:6

A kofura yarɛ doinu ma, ado wo fanan mara mɔgɔ-dɔnnɛ la.

Isikiyɛli 19:7

A ya so-latankanɛnu tinya ka soe donu kasara. A wa bɔrɔndɔ-bɔrɔndɔ nun tumɛ min, nyamanita-mɔgɛnu kun ma si kɔ.

Isikiyɛli 19:9

Anu ya yɔlɔkɛ kɛ a ma ka a ladon sansan burɔ ka ta a don Babilɔn mansɛ bolo. Anu ya a sa yele la ka a kandan alako a bɔrɔndɔ-bɔrɔndɔ-kan wo ni ban Isirɛla kɔnkɛnu tɔ feufeu!

Isikiyɛli 22:6

Isirɛla kun-tiginu ma la fenfen na fɔ anu nyɛrɛta sɛnbɛ. Wo kɔma, anu ya mɔgɛnu faga.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 3:10

Wo ye mɔgɔ-fagɛ anubɛ telenbɛlitayɛ mala Yerusalɛm soe bon-kurun-fan la, ado Allata so-sɛnimɛ le Yerusalɛm wo la.

Sɛfanaya 3:3

Yan-mɔgɔ-banu anubɛ yan-kiti-tɛgɛlɛnu mani de iko yara-kɔnkɔtoenu. Anu ba fenfen sɔrɔn, anu si wo kunyɛ lagbana. Anu ti sinan sigi.

Romu 1:29

Karagbɛlɛyɛ wo, nata wo, gboyanayɛ wo, ko-yogoma-su bɛɛ wo, anu burɛ lafanɛ wo bɛɛ la. Keliyɛ wo, mɔgɔ-fagɛ wo, sɔsɔlɛ wo, yanfanteyɛ wo, anubɛ yogoyɛ, anu burɛ lafanɛ wonu fanan na. Anu bi nafigiyɛ kɛla

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

1 Samuwɛli 8:3

Kɔnɔ anu ma anu fa gbɛ bi. Anu sa ko-wo-ko kɛla fɔ ka wodi nyini anu nyɛrɛ ye. Anu kɛnɛna dogonta-fan birala, ado anu sa kiti tɛgɛla a kilɛ fɛ.