Yɛrɛmaya 22:15 - ALLALA KUMƐ

¹⁵ Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Yɛrɛmaya 22:15 Iomraidhean Croise

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

2 Mansɛnu 23:25

Ale Mansa Yosaya kɛ, a nyɔgɔn ma taran nun fɔlɔ, ado a nyɔgɔn don ma na taran min ya Mari sako kɛ a sɔndɔmɛ anubɛ a yisi bɛɛ la iko ale. A ya Nɛbi Musata tɔn bɛɛ bira.

1 Ko-Kɔrɔta-Karan 3:15

Yosaya ya den-kei mɔgɔ nani sɔrɔn, Yohenan wo, Yahoyakim wo, Sɛdɛkaya wo, anubɛ Yɛhowahasi.

2 Ko-Kɔrɔta-Karan 34:2

Mansa Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

2 Ko-Kɔrɔta-Karan 35:22

Kɔnɔ Mansa Yosaya yisi sɔnɛ a kɛlɛ-koe la sokesoke! Mansa Niko ara Allata kumɛ min fɔ a ye wo la, ale Mansa Yosaya ma a wɔlɔ matɔlɔ wo la. A ya a nyɛrɛ mayɛlɛma ka ta Niko kɛlɛ tinɛ Magidɔ lɛɛ rɔ.

2 Ko-Kɔrɔta-Karan 35:26

Mansa Yosaya ya koe min bɛɛsi ma, katarala a ya a latelan min kɛ Mari ye ka ala tɔnnu bira,

Hɛnkilimaya-Kumɛnu 20:28

Ni mansɛ ko a ni kun ala mɔgɛnu ma, fɔ a ni keninteyɛ anubɛ latelan bira a bolo tɔ ala mɔgɛnu bara la.

Hɛnkilimaya-Kumɛnu 21:3

Ka ko-latelennɛ kɛ, wo di Mari ye saraka-bɔɛ ko.

Hɛnkilimaya-Kumɛnu 25:5

A ye wo nya na le fanan, ni mɔgɛ ya hɛnkili-kɔla-yogomɛnu bɔ mansɛ fɛ, wo si a ma, mansɛla nyamanɛ ni ta yarɔ telenbagayɛ bolo.

Hɛnkilimaya-Kumɛnu 29:4

Ni ko-latelennɛ wara-koe diyara mansa-wo-mansa ye, wola nyamanɛ ra si gbɛlɛya. Kɔnɔ mansa-wo-mansa ya wodi keni, wola nyamanɛ si kasara pɔ!

Hɛnkilimaya-Kumɛnu 31:9

I ni ma kiti-tɛgɛla-latelennɛ la ka bolo-kolɔnnu anubɛ makolamɛnu dɛnbɛ.”

Makawandili Kumɛnu 10:17

Sewɛ ye nyamanɛ wo rɔ minnuna mansɛ fɛrɛnta mansayɛ rɔ, ado ala mɔgɔ-banu bi fan dɔnna a tumɛ rɔ alako ka sɛnbɛ sɔrɔn ka anu min kɔikɔi, wo ma de!

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Aiseya 33:16

Wo si a ma, wo la ni tanka. Wo la si kanan iko wo ye kan-tina-gbɛlɛmɛ do le tɔ. Dɔn-fan anubɛ yi ti dasa wo ma muk!

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 22:18

Mari le ya kɛ fɔ Yuda Mansa Yosayala den Yahoyakim ma, a ko, “Yuda mɔgɛnu ti anu dɛ sa-a-rɔ i san-koe kuma. Ila kinikini ti taran anu tɔ. Hali ka a fɔ i kebilɛ ma, ‘Sɛkɔrɔ,’ anu ti wo ma.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 42:6

A diyara ma ye wo, a ma diya ma ye wo, fɔ ma wa Mari Allata kumɛ bira le ma ya min madiya-koe fɔ ile Yɛrɛmaya ye. Koe bɛɛ ra si bɛn ma ma, ni ma ya ma Mari Allata tɔnnu bira.”

Yɛrɛmaya 7:5

Wo ni yɛlɛma ka don ko-latelenni-kɛ rɔ. Wo ni wo telen wo nyɔgɔn ye.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Tɔn-Fɔɛ-Fila-Nyɔgɛ 4:40

N bi tɔn minnu dila wo ma bi, wo ni wonu bira a kila-bɛrɛbɛrɛ fɛ. Ni wo ya wo ma, ka a bi wole ma ka a sigi wo kegeyɛnu na, koe bɛɛ si bɛn wole ma. Wota Mari Alla ye nala nyamanɛ min natenbila wo ma kɛ la, wo si simayɛ sɔrɔn wo rɔ. A si to wo bolo habadan!”