Yɛrɛmaya 22:11 - ALLALA KUMƐ

¹¹ Mansa Yɛhowahasi min ya a fa Yosaya gbɛ bi, Mari ya a fɔ wo lela ko la ko a ara bɔ yan, ado a ti sɛgi yan tun!

Yɛrɛmaya 22:11 Iomraidhean Croise

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 23:30

Ala mɔgɔ-banu ya a furi sa ala kirindi rɔ ka sɛgi a la Yerusalɛm soe burɔ. Anu ya a togon a nyɛrɛta kaburu rɔ. Yuda nyamanita-mɔgɛnu ya Yosayala den Yɛhowahasi yabɔ ka wo sigi a fa gbɛ rɔ.

2 Mansɛnu 23:31

Yɛhowahasi ya mansayɛ sɔrɔn Yuda nyamanɛ rɔ a sɔrɔn-san mogan-ni-sawa nyɔgɛ le ma. Karɛ sawa pe, a ye mansayɛ la Yerusalɛm soe burɔ. A na le Yɛrɛmayala den Hamutali la ka bɔ Libina soe burɔ.

2 Mansɛnu 23:34

Ale Mansa Niko ya a ma, anu ya Mansa Yosayala dan do ma mansɛ la Yɛhowahasi gbɛ rɔ. Wo tɔgɛ le Ilayakim kɔnɔ Iyipiti Mansa Niko ya a tɔgɛ yɛlɛma ko Yahoyakim. Mansa Niko tara a kɔrɔ Mansa Yɛhowahasi la Iyipiti nyamanɛ rɔ. A fagara nyɔ le.

1 Ko-Kɔrɔta-Karan 3:15

Yosaya ya den-kei mɔgɔ nani sɔrɔn, Yohenan wo, Yahoyakim wo, Sɛdɛkaya wo, anubɛ Yɛhowahasi.

2 Ko-Kɔrɔta-Karan 28:12

Isirɛla mɔgɔ-ba nani ye nyɔ, Yɛhohananla den Asaraya wo, Mɛsilemotila den Bɛrɛkaya wo, Salumula den Yɛhisikaya wo, Hadilayila den Hamasa wo, kɛlɛ-dannu ya min nadan, wo gboyara wonu fanan ye. Wonu ko,

2 Ko-Kɔrɔta-Karan 34:22

Saraka-Masɔla-Kun-Tigi-Wɛ Helikaya anubɛ mɔgɛ donu tara nɛbi-musi do manyinika min tɔgɛ Hulada iko Mansa Yosaya ya a fɔ anu ye nya min. Wo siginɛ Yerusalɛm kan-tina-kurɛ do rɔ. (Nɛbi-musi kɛla kei le Tekefala den Salumu na. Salumu wo benba tɔgɛ le Harahasi. Bato-Bɔn wo durukinu-namaralɛ le ale Salumu na.) Koe min bɛɛ mara, anu ya wo rakaran nɛbi-musi wo ye.

Yɛrɛmaya 22:27

Nyamanɛ-kɛ-sɔgɛ si anu bira dɔgɔma-ma-de, kɔnɔ anu ti anu yɛ masa yan ma tun.

Sɛfanaya 1:1

Mari ya kilayɛ min di nde, Nɛbi Sɛfanaya ma, wo le kɛ la. Kilayɛ kɛ fɔra n ye wo tumɛ Amonna den Yosaya ye mansayɛ la Yuda nyamanɛ rɔ. Yuda Mansa Hɛsakaya bɔnsɔn-mɔgɛ do le nde, Nɛbi Sɛfanaya la. Ale Mansa Hɛsakaya ya Amaraya sɔrɔn. Amaraya ya Kɛdalaya sɔrɔn. Kɛdalaya ya Kusayi sɔrɔn. Kusayi ya nde, Nɛbi Sɛfanaya sɔrɔn.