Yɛrɛmaya 21:9 - ALLALA KUMƐ

⁹ Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 21:9 Iomraidhean Croise

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 27:11

Kɔnɔ a ko ni nyamanɛ fenfen ya a nyɛrɛ latenbi Babilɔn mansɛ ma, Mari ko a si a ma, nyɔ-mɔgɛnu ni to anu halala-nyamanɛ rɔ ka to sɛnɛ sala nyɔ tolon!

Yɛrɛmaya 27:12

Nde, Yɛrɛmaya ya kumɛ kɛ le nyɔgɔn fɔ Mansa Sɛdɛkaya ye Yuda nyamanɛ rɔ. N ya a fɔ a ye ko, “I ni i nyɛrɛ latenbi Mansa Nɛbukanasa ma. Ni wobɛ ila mɔgɛnu wɔlita ale mansɛ anubɛ ala mɔgɛnu ye, wo si to wo niyi la

Yɛrɛmaya 27:13

bawo a ma kin wobɛ ila mɔgɛnu ni faga kɛlɛ anubɛ kɔnkɛ anubɛ kirayɛ bolo. Mari nyɛrɛ le ya a fɔ ko ni nyamanɛ min ma a nyɛrɛ don Babilɔn Mansa Nɛbukanasa bolo, ko sufa kɛnu denu bi sigila wo ma.

Yɛrɛmaya 38:2

Mari ara a fɔ n ye ko mɔgɔ-wo-mɔgɔ tora sigini Yerusalɛm soe burɔ, a ma ta dɛgɛ min Babilɔn kɛnu ye, ni wo tigi ma faga kɛlɛ bolo, a si faga kɔnkɛ bolo, ni wo ma, kirayɛ bolo. Mɔgɔ-wo-mɔgɔ tara dɛgɛ min anu ye, wo tigi ti faga. Anubɛ a niyi dɔrɔn de ye tola.

Yɛrɛmaya 38:3

N bara mɛ a fɔla anu ye nun ko Mari ye anu donna le Babilɔn kɛnu bolo minnu si soe wo bira, yɔ!

Yɛrɛmaya 39:18

Ale Mari ko a si a lamara-nyimɛ-kɛ. Anu ti a faga. A ye wo mala bawo a ara a yigi sa ale Mari rɔ. Ale Mari kan le kɛ la.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.