Yɛrɛmaya 21:6 - ALLALA KUMƐ

⁶ A so-burɔ-mɔgɔ wo, a kolo-fen wo, Mari ko wo dama tɔgɛ si to kiraya-yogomɛ la.

Yɛrɛmaya 21:6 Iomraidhean Croise

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Yɛrɛmaya 36:29

Mari ko n ni a fɔ Mansa Yahoyakim ye ko, “I wara gbolo-sɛbɛnɛ mintan, ado ka tenbi wo la, i wara nde, Yɛrɛmaya manyinika n bara a sɛbɛ minna ko la ko Babilɔn mansɛ si nyamanɛ kɛ kasara, a mɔgɔ wo, a kolo-fen wo.”

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Isikiyɛli 12:16

Kɔnɔ n ti sɔn kɛlɛ anubɛ kɔnkɛ anubɛ kirayɛ ni anu damasi faga. Donu si to anu kɛndɛ la. Wo le si a ma, anu ni a lɔn worɔ anu bara ko-yogoma-sufa minnu ma. Wo kɔma, anu si a fɔ worɔ ko Mari le nde la.”

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 14:19

“Tumado, n si wuka le latugu anu ma ka mɔgɛnu anubɛ sogenu nato yisi-bɔɛ bolo.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 33:27

“I ni anu makawandi ko nde, i Tigi Mari min bi n niyi la, n bara n keli n nyɛrɛ rɔ ko minnu siginɛ so kasaranɛ wonu tɔ, fɔ anu ba faga. Minnu bi binyɛ rɔ, sogenu si wonu dɔn. Minnu bɛɛ dogonnɛ kɔnkɛnu anubɛ farɛnu na, wonu si faga kirayɛ bolo.

Isikiyɛli 33:29

N ba ban mɔgɛnu tɔrɔla anu hakɛla ko la ka nyamanɛ tii, anu bi a lɔnna wo le ma ko Mari le nde la.”

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Sɛfanaya 1:3

A ko a si nima-fan bɛɛ ban fegba, a hadama-den wo, a sogo wo, a koni wo, anubɛ a yɛgɛnu. A ko a si karagbɛlɛnu wara-koe ka-a-la. Hali mɔgɔ-den-kelen ti to a niyi la. Ale Mari kuman-kan le kɛ la.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.