Yɛrɛmaya 21:2 - ALLALA KUMƐ

² Anu ko n ni Mari madiya anu ye bawo Babilɔn mansɛ Nɛbukanasa ara na bui mala so-karantan ma. Anu ko tumado Mari si kabana-koe do kɛ ma ye min si a ma, Nɛbukanasa ni sɛgi a kɔma.

Yɛrɛmaya 21:2 Iomraidhean Croise

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Bɔ-Koe-Iyipiti 9:28

Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Yɛrɛmaya 15:11

Mari ko a ye nde, Yɛrɛmaya latankala kɔrɔ le la. Kasarɛ anubɛ tɔrɔyɛ wa na, Mari ko a si a ma, n yogenu ni n manyinika ko n ni madiyali-kɛ anu ye.

Yɛrɛmaya 21:3

Mari kumara n ye. Woletɔ n ya a fɔ Mansa Sɛdɛkayala kilayɛnu ye ko

Yɛrɛmaya 32:17

“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 34:1

Babilɔn Mansa Nɛbukanasa buira Yerusalɛm soe anubɛ a dafɛ-so-mɛsɛnu ma tumɛ min, sibole min bɛɛ ye mansɛ kɔrɔ, wo damasi ya a dɛnbɛ kɛlɛ rɔ. Mari kumara n ye wo wati le tɔ.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 37:3

Mansa Sɛdɛkaya ya Sɛlimayala den Yɛhukali anubɛ Meyaseyala den Saraka-Masɔla Sɛfanaya sɔ nde, Yɛrɛmaya wara alako n ni ale Mari, mata Alla madiya mala nyamanɛla ko la.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Kɛlɛ-Kurugbɛnu 20:27

Allala tɔn-kenkirɛ ye Bɛtɛli soe burɔ wo wati rɔ. Ɛliyasala den Finihasi, Aruna mamanɛ, kɔni, wo le tɔn-kenkirɛ wo kun na wo wati rɔ. Anu ya Mari manyinika tun ko, “Ma ni anu kɛlɛ le, ka, ma ni ma fara anu kɛlɛla?” Mari ko, “Wo ta anu kɛlɛ tinɛ. Sina wo si anu nɔ.”

1 Samuwɛli 10:22

Anu ya Mari manyinika tun a wara-koe ma, anu ko, “Ale ye mintɔ? A ye ma tɛma yan?” Mari ya a fɔ ko, “Wo ma a dogonnɛ yen dunɛnu kɔma wo la?”

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.