Yɛrɛmaya 21:10 - ALLALA KUMƐ

¹⁰ Mari ko a ara a latɛgɛ ko a ti kinikini so-karantan kɛ ma fɔ a wa a kasara. A ko a ara ban a donna Babilɔn mansɛ bolo min si a mintan gburr! Ale Mari nyɛrɛ kan le kɛ la.

Yɛrɛmaya 21:10 Iomraidhean Croise

2 Ko-Kɔrɔta-Karan 36:19

Ale Babilɔn mansɛ ya soe tarɛ keri ka soe anubɛ a Bato-Bɔn mintan gburr!

Yaburi 34:16

Kɔnɔ minnu bi karagbɛlɛyɛ kɛla, a si wonu yakɔrɔ-mamɔ woletɔ anu ba faga, mɔgɛnu si nyina anu bara-koe la tiriya!

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 33:5

Hali wole, Isirɛla mɔgɛ donu bi Babilɔn kɛnu kɛlɛla kɔnɔ anu si wola bon-gba-kɔrɛnu nafa wo furinu na, ado Mari ko ale le ye wo gbesila dugi la ata fondo-bɔɛ la. A ko a ara a kan-kɔ sɔ soe kɛ la ka a tɛgɛ mɔgɛnuna karagbɛlɛyɛ ma.

Yɛrɛmaya 34:2

Isirɛlata Mari Alla ko n ni ta a fɔ Yuda Mansa Sɛdɛkaya ye ko ale Mari si Yerusalɛm soe kunyɛ don Babilɔn mansɛ bolo. Wo si a mintan gburr!

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 38:17

N ya a fɔ Mansa Sɛdɛkaya ye ko, “Mari Sɛnbɛ-Bɛɛ-Tigi Isirɛlata Alla ko ni ile ya dɛgɛ min Babilɔn Mansɛla kɛlɛ-dannu ye, i si to i niyi la. Soe kɛ ti mintan wo rɔ. A ko wobɛ ila denbayɛ si kisi.

Yɛrɛmaya 38:18

Kɔnɔ a ko ni i ma sɔn dɛgɛ minna mumɛ, soe kɛ kunyɛ si don Babilɔn kɛnu bolo. Anu si a mintan gburr, ado ile kunyɛ ti bɔ a rɔ.”

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 38:3

N bara mɛ a fɔla anu ye nun ko Mari ye anu donna le Babilɔn kɛnu bolo minnu si soe wo bira, yɔ!

Yɛrɛmaya 39:16

n ni sarakanɛ kɛ fɔ Ibɛdi-Milɛki Sudan kɛ wo ye. Ale Mari Sɛnbɛ-Bɛɛ-Tigi Isirɛlata Alla ko a si na kasarɛ la soe kɛ kuma iko a ya a fɔ nya min, ta-n-yarɔ ko ma de! Wo wa ma tumɛ min, a ko wo si kɛ ale Ibɛdi-Milɛki nyɛrɛ yala.

Yɛrɛmaya 39:8

Babilɔn kɛlɛ-dannu ya Yerusalɛm mansɛla bolɔn mintan anubɛ so-burɔ-bɔnnu ka a tarɛ toe keri.

Yɛrɛmaya 44:11

Woletɔ Mari Sɛnbɛ-Bɛɛ-Tigi Isirɛlata Alla ko a si wuli wo kan ma ka wole, Yuda kegeyɛ bɛɛ lato.

Yɛrɛmaya 44:27

A ko a si a ma, wo ti ma-a-la tun! Wo si to kasarɛ rɔ. A ko wo dama si faga. Ni minnu kunyɛ ma to kɛlɛ rɔ, wonu tɔgɛ si to kɔnkɔ-fitinɛ la. Anu dama la si to.

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Isikiyɛli 15:7

tɔrɔla wo nya na le. Anu bara anu buri tɛ do kɔrɔ nun kɔnɔ tɛ kɛ, wo ye anu mintanna le. N ba anu tɔrɔ, wo ye a lɔnna wo le ma ko nde le Mari la.

Isikiyɛli 24:11

Wo kɔma, i ni daga-rakolonyanɛ wo sigi ta-wɔlɔn rɔ ha a silɛɛ ni mɔ puipui! Dagɛ wo burɔ-nɔgɛ bɛɛ wa mintan, dagɛ wo sɛninyanɛ si to.

Saraka-Masɔlɛnuta Tɔnnu 17:10

Isirɛla mɔgɛ wo, sundan wo, ni a ya soge anubɛ a yele dɔn, Mari si diminya wo tigi ma. Mari ti a miri wo mɔgɛ ma ko atɛ le wo mɔgɔ sufa la

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Emɔsi 2:5

Woletɔ a si tɛ layigi Yuda nyamanɛ kuma ka wola so-latankanɛ, Yerusalɛm mintan.”

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe