Yɛrɛmaya 20:9 - ALLALA KUMƐ

⁹ Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yɛrɛmaya 20:9 Iomraidhean Croise

Yaburi 39:3

N kɔndɔfilita pirikali! N bi tola n mirila nya min, nna tɔrɔyɛ ma ye tola kofula wo nya na le. Wo le ya a ma, n ya nyinikalɛ sa, n ko,

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɛrɛmaya 23:9

Nde, Yɛrɛmaya yisi ara tinya ka a tɛgɛ nɛbinu bara-koe rɔ. N fɛrɛ bɛɛ ye a dɔnna n ma. N bara ma iko gbɛɛtoe. N bara ma iko mɔgɛ min bara a to gbɛɛ ma. Mari anubɛ ata kuma-sɛnimɛ le ye n mala ka.

Yɛrɛmaya 4:19

Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 6:11

Kɔnɔ n dɛ la ara fa Marita fondo-bɔɛ la. N ti ke a birala n tɔ tun. Mari ko ala fondo-bɔɛ ni bon dennɛnu ma minnu bi tolonna soe tɔnkɔnnu tɔ. A ni bon kemini-mɛsɛnu ma minnu nadɛnnɛ kan-tina-kelen. Ala fondo-bɔɛ si keinubɛ ala nyaganɛ bira anu nyɔgɔn fɛ. A si kɛmɔgɛnu anubɛ musu-kɔrɛnu fanan bira.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Yona 1:2

“I lasɔ, i ni ta Ninɛfa so-karantan rɔ ka nyɔ-mɔgɛnu makuma. Mɔgɛ wonuna ko-yogomɛ ara n tabɔ.”

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Luka 9:62

Yisa ya a fɔ wo ye ko, “Mɔgɔ-wo-mɔgɔ ya sara-ninki bi dugu-wɔrɔ tinɛ, ni a tora a yɛ lasɛgila a kɔma, wo ti bɛn Allala mansayɛ ma.”

Kɛwɔlɛnu 17:16

Nba, Pɔli ye Sailasi anubɛ Timoti makɔnɔna Atɛn soe burɔ tumɛ min, a ya soe wo lafanɛ taran bɛsɛnu na. Wo ya Pɔli lamɔni bɛrɛkɛ!

Kɛwɔlɛnu 18:5

Sailasi anubɛ Timoti kera nyɔ tumɛ min ka bɔ Masidoniya nyamanɛ rɔ, Pɔli tora kawandili bɔla Yahudiyanu ye wati bɛɛ. A ye sereyɛ bɔla anu ye ko Yisa, Allata-Mɔgɔ-Yabɔnɛ le.

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”