Yɛrɛmaya 20:7 - ALLALA KUMƐ

⁷ Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

Yɛrɛmaya 20:7 Iomraidhean Croise

2 Mansɛnu 2:23

Nɛbi Ilaisa bɔmatoe Yɛrikɔ ka ta Bɛtɛli, kemini-mɛsɛ donu bɔra soe ka a taran. Anu burunta a rasɛla. Anu ya a fɔ a ma ko, “Ile kun-gbana. Ile fanan, yɛlɛ san ma gbɛ!”

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Yobu 30:9

Kaka gbɛ, wonu denu bi n mayɛlɛn-sigi sala. Anuna dannu bara n ma yɛlɛnma-fan la.

Yaburi 119:51

Wasintenu bi n mayɛlɛnna wati bɛɛ kɔnɔ wo ma n bɔ ita tɔnnu kɔrɔ.

Aiseya 8:11

Mari ya n makawandi ata sɛnbɛ-makawanɛ la ko n kana n sanka mɔgɛnu ma. A ko

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 15:18

Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 17:16

N Mari, i ya n ma ila mɔgɛ kɛnu saga-fɛ-biralɛ la, ado n ma n ban wo ma. A ma di n ye tele-makilannɛ ni na nun. Mari, n bara min bɛɛ fɔ, i ye wo bɛɛ kalama.

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yɛrɛmaya 29:26

Sɛmaya ko Mari ya Sɛfanaya sɔ Saraka-Masɔla Yɛhoyada gbɛ le tɔ Bato-Bon-kun-tigiyɛ la. A ko ata wɔlɛ le ko mɔgɔ-rakolɔn fenfen min si a nyɛrɛ ma nɛbi la, ale Sɛfanaya ni wo bole anubɛ wo kian sa banban la ka yɔlɔkɛ sɔ wo kan la.

Yɛrɛmaya 38:19

Kɔnɔ mansɛ ya a fɔ n ye ko a ye kilanna ala nyamanita-mɔgɛnu denu na minnu bara kofu Babilɔn kɛnu ma. A ko Babilɔn kɛnu si a don ala mɔgɛ wonu bolo. Wonu si a bira boloko-yogomɛ-kɛ.

Nimisa Koe 3:14

Mɔgɛ bɛɛ yɛlɛnta n ma. N mara anu bolo yɛlɛnma-sigi-sɛ la.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 23:11

Mansa Hɛrodi anubɛ ala kandannɛnu ya Yisa mayɛlɛn ka a manyini kati! Anu ya duruku-nyimɛ bila a kan na ka a lasɛgi Pailɛti ma.

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

1 Kɔrɛnti 9:6

Mabɛ Banabasi dɔrɔn de si wɔlɛ kɛ ma balula ko la, wa?

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.