Yɛrɛmaya 20:18 - ALLALA KUMƐ

¹⁸ Nfenna n sɔrɔnta worɔ ka to tɔrɔyɛ anubɛ nimisɛ rɔ tolon? N bi n siyi banna miliyɛ le tɔ.

Yɛrɛmaya 20:18 Iomraidhean Croise

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 14:13

Alako nun, i ya n dogon lakira tonke do rɔ nun. N ni to dogonni nyɔ ha ita diminyɛ ni ban. Wo kɔma, i ni wati do rabɛn n ye, i si i fonde lamiri n ma min ma.

Yobu 3:20

Minnu bi tɔrɔyɛ rɔ, nfenna wo si to tɔrɔyɛ kun na? Nfenna yisi-lafin-tiginu si to anu niyi la?

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yaburi 102:3

N niyi bɔmatoe le iko ta-sisi. N fɛrɛ ye mintanna iko tɛ le siginɛ a la.

Yaburi 69:19

I wara n mɔɛn-nya yen anu bolo. Anu bi n yarabila nya min, i wara wo fanan yen. I kolan bɛnnɛ n yoge bɛɛ ma.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 15:18

Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 8:18

E, Alla, n yisi-tinyɛ ti sa mumɛ! N sɔn tɔrɔnɛ feu!

Nimisa Koe 1:12

Yerusalɛm soe ya a fɔ ko, “Wole minnu bi tenbi-tenbila, wola ko sa nna ko rɔ. Ha bi, wo ara mɔgɛ yen tɔrɔla mintɛ tenbira ndetɛ la, wa? Mari diminyara n ma lunyɛ min, a ya tɔrɔyɛ sigi n ma wulɔn le.

Nimisa Koe 3:1

Nde le wara Allata diminyɛ tɔrɛ rayen n yɛ la.

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Yɔni 16:20

N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,