Yɛrɛmaya 2:8 - ALLALA KUMƐ

⁸ Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 2:8 Iomraidhean Croise

1 Mansɛnu 18:22

Nɛbi Ilaya ya a fɔ Isirɛla mɔgɛnu ye ko, “Nde le kelen pe ara to Marita nɛbiyɛ la gbɛ! Kɔnɔ Beyalita nɛbi mɔgɔ kɛmɛ nani mɔgɔ bi-loli ye yan kaka.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

Yobu 35:10

Alla min ya anu dan, anu ti anu ya-lamunun wo la, ado ale le si ke anu yili-madiyala tɔrɔya-wati rɔ.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 30:5

a ko anu yisi si tinya bawo anu lara nyamanɛ wo le dɔrɔn na anu kisi-koe rɔ, ado a ko anu miri anu dɛnbɛn-koe ma nyamanɛ wo min bolo, wo si anu baya.

Yɛrɛmaya 10:21

Nde, Yɛrɛmaya ya a fɔ wo ye ko mala kun-tiginu hɛnkili sa. Anu ti anu gbɛrɛn Mari ma anu dɛnbɛn-koe la. Woletɔ mala mɔgɛnu sa sabatila. Ma ara nyɛnsɛn mala mɔgɔ-banu ma.

Yɛrɛmaya 12:10

Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 7:8

Kɔnɔ i ma a yen, wo lanɛ foninyɛnu na, ado lanaya-fuyi le wonu na.

Yɛrɛmaya 9:14

Yanni wo ni wo ma, fɔ wo ya wo tole gbɛlɛya min kɛ ka bɛsi Beyali kɔ, ado wo benbanu denu ya wo karan wo ma.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Matiyu 16:26

Ni mɔgɛ ya duninya fan bɛɛ sɔrɔn kɔnɔ a ni bɔnɔ a niyi la, a ya nfen tɔnɛ sɔrɔn wo la? Mɔgɔ ti ke fenfen dila a niyila ko la,

Luka 11:52

“Gbalo ye wole tɔn-karan-mɔgɛnu kuma bawo da-nyin min bi hɛnkilimaya-bɔn lakala, wo ara wo dogon mɔgɛnu ma. Wole ti sɔn donna nyɔ, ado minnu bi a fɛ ka don, wo ara wonu nasɛgi!”

Yɔni 16:3

Anu si koe kɛnu ma wo la bawo anu ma nde lɔn. Hali n Fa Alla fanan, anu ma wo lɔn.

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.

1 Samuwɛli 12:21

Wo kana wo nyɛrɛ don bɛsi-kɔ-koenu tɔ. Wonu ti ke wo dɛnbɛna, hali ka wo lakisi bawo tonya sa anu bara-koe rɔ.

1 Samuwɛli 2:12

Ilayita den-keinu kalabante. Anu ti sɔn Mari gbiliyala.