Yɛrɛmaya 2:6 - ALLALA KUMƐ

⁶ Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yɛrɛmaya 2:6 Iomraidhean Croise

2 Mansɛnu 2:14

Ale fanan ya duruki wo gbesi Yorodan bɛ wo la. A ko, “Nɛbi Ilayata Mari Alla ye mintɔ?” Wo kɔma, a ya duruki wo gbesi yi la tun. Yi farata filɛ la. A tenbira ka ta nɛbi-karan-dan mɔgɔ bi-lolɛ wonu bara la.

Yobu 3:5

Alamɛ ila pinpi-makilanni-bɛ ya ale tele wo yamatogon. Alamɛ banda-fin-digidigi-wɛ burunta wulɔn-tele ya ma bɛff! Suyi wo, pinpi-mɔlɔkɔn-bɛ ni wo lakunu.

Yobu 35:10

Alla min ya anu dan, anu ti anu ya-lamunun wo la, ado ale le si ke anu yili-madiyala tɔrɔya-wati rɔ.

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Yaburi 77:5

N sa n mirila tele-tenbinɛnu dɔrɔn ma de kɔnɔ n bi n mirila san-tenbinɛnu fanan ma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 5:12

Wole Marita mɔgɛnu bi a kan masɔsɔla. Wo ye a fɔla ko, “Mari ti ko-wo-ko ma male la. Tɔrɔyɛ ti sigi male la. Male ti kɛlɛ anubɛ kɔnkɛ yen.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Yɛrɛmaya 51:43

Nyɔ-soenu ma si kilan. Nyɔ bɛɛ si ma wula-da-rakolɔn la, mɔgɔ ti sigi kan min. Mɔgɔ ti bɔ nyɔ kilɛ la.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Matiyu 4:16

Minnu siginɛ pinpi-fin-bɛ rɔ, wonu si na wan-belebele yen. Minnu siginɛ pinpi-makilanni-bɛ rɔ, tele ara fɛrɛn anu ma!”

Tɔn-Fɔɛ-Fila-Nyɔgɛ 1:19

Musa ya a fɔ tun ko, “Ma ara mala daga wayan ka bɔ Sinayi kɔnkɛ dafɛ iko mata Mari Alla ya a fɔ ma ye nya min. Ma ara ta ka tenbi wula-da-rakolon-wɛ wo rɔ min makilannɛ.

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”