Yɛrɛmaya 2:36 - ALLALA KUMƐ

³⁶ Wo toni ma kan-tina-kelen ma wo dɛnbɛn-koe rɔ. Asiriya kɛnu ya wo baya nya min, Iyipiti kɛnu bi nala wo bayala wo nya na le,

Yɛrɛmaya 2:36 Iomraidhean Croise

2 Ko-Kɔrɔta-Karan 28:16

A ma mɛ wo kɔma, Idɔm kɛnu tara bui Yuda kɛnu ma tun. Anu ya mɔgɔ-siyaman bira. Wo le ya a ma, Yuda Mansa Ehasi tara a makesi Asiriya Mansɛ Tigilati-Pilesa ye ko wo ni na a dɛnbɛn kɛlɛ rɔ.

Aiseya 20:5

Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

Yɛrɛmaya 2:18

Wola tɛ Iyipiti, wo ya tɔnɔ-nyuman sɔrɔn ha wo ni to kan kelan rɔ. Wola tɛ Asiriya, wo ya tɔnɔ-nyuman fanani sɔrɔn nyɔ ha wo ni to kan kelan rɔ.

Yɛrɛmaya 2:23

A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.

Yɛrɛmaya 2:33

ado wo kusan keni nyinina wo yɛ la. Wo si musu-yɛlan lawɔliya.

Yɛrɛmaya 22:20

Wole Yerusalɛm kɛnu, wo ta Lɛbanan nyamanɛ rɔ ka wo dɛ bolobɔ. Wo ta di Basan nyamanɛ rɔ. Wo ni wo kuli mayɛlɛ di-kɛ-tinɛ Mohabu kɔnkɛnu ma bawo wo yogenu bara wo dɛnbɛnɛnu nɔ.

Yɛrɛmaya 22:22

Kɛlɛ si wola mɔgɔ-banu anubɛ wo ta-nyɔgɛ bɛɛ bira iko fɔnyɔ si fan bi nya min ka ta a la. Ka a tɛgɛ wola wunduyogoyɛ wonu ma, wo mawurannɛ si to yarabiyi bolo.

Yɛrɛmaya 31:22

Wole minnu bara wo kan-kɔ sɔ Mari la, wo si to dɛnkɛninyabɛlitayɛ kɛ rɔ ha tumɛ nyamintan? A manɛ iko Mari ara ko kurɛ do dabira. Wo makawara iko musi tenbi kei kumafunfanna.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Yɛrɛmaya 46:12

Duninya ye anuna miliya-koe lamɔɛnna. Bɛɛ ye anu di-kɛ-kan lamɔɛnna. Kɛlɛ-dannu si to fɛrɛnna anu nyɔgɔn na. Anu ni bui anu nyɔgɔn fɛ fugbu!

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Nimisa Koe 5:6

Ma ya ma sa Iyipiti kɛnu anubɛ Asiriyanu kɔrɔ dɔn-fen-koe la alako ma si ma beli-fannu sɔrɔn nya min.

Isikiyɛli 16:28

I sa wasala yɛlɛnyɛ rɔ min kɛ, i kɛnɛna bilala Asiriyanu fɛ. Wonu fanan sa i wasala.

Isikiyɛli 29:7

Anu ba anu gbɔnkun ale Iyipiti rɔ, a ra si keri ka sɔrɔngbɔ anu kɛɛ kɔrɔ ka kɔ-dumɛ di anu ma. Anu ya anu takeri wo kuma nyɔ gbass!

Hoseya 10:6

Anu si ta bɛsɛ wo la Asiriya nyamanɛ rɔ anuna mansɛ sanbayɛ la. Wole Isirɛla mɔgɛnu si miliya wo rɔ ka a tɛgɛ wola lanayɛ ma bɛsɛ wola ko la.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.