Yɛrɛmaya 2:30 - ALLALA KUMƐ

³⁰ A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 2:30 Iomraidhean Croise

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 19:14

Nɛbi Ilaya ya a yabi ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Isikiyɛli 22:24

“Ile hadama-dan, i ni a fɔ Isirɛla mɔgɛnu ye ko anuna nyamanɛ sɛninyani ma. Woletɔ n yisi ye bɔla anuna nyamanɛ kan ma ka a tɔrɔ.

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Matiyu 23:29

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, nɛbi minnu ya telenbagayɛ kɛ fɔlɔ-nun, wo ye kanba-nyimɛnu sinna wonu ye ka bɔnnu sɔ kanbɛ wonu kuma.

Kɛwɔlɛnu 7:52

Nɛbi kelen bɛrɛn sa nyɔ nun, wo benbanu ma min tɔrɔ. Wo sa! Allala kilayɛ minnu ya ala wɔli-kɛla-telennɛ na-koe fɔ, kebi wati-yan, anu ya wonu faga. Nba kaka, wole ara a don a yogenu bolo tɔ ka a faga.

1 Tɛsalonaika 2:15

Wonu denu ya Mari Yisa faga anubɛ Allata nɛbinu. Anu ya male gben nyamanɛ wo burɔ. Anu sa Alla hɛnɛna ni, ado anu bi mɔgɛ bɛɛ kan ma!

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.