Yɛrɛmaya 2:3 - ALLALA KUMƐ

³ Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Yɛrɛmaya 2:3 Iomraidhean Croise

Bɔ-Koe-Iyipiti 22:29

“Wo ye wola fui-fan anubɛ wola ki-fan minnu dila n ma, wo kana wonu dɔn. Wo ni anu di nde ma. “Wo ni wola den-kei-sarɛnu di nde, Mari ma.

Aiseya 41:11

Minnu kɔrɔtɔnɛ wo ma, a ko wonu si a lɔn miliyɛ ye min na. Mɔgɔ-wo-mɔgɔ ya wo kɛlɛ, wo si faga.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 2:4

Wole Yakoba kegeyɛnu, wo ni wo tole masɔ Marita kumɛ la. Wole Isirɛla bɔnsɔn toe min tonɛ, kɔni, wo ni wo tole masɔ.

Yɛrɛmaya 30:16

Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Yɛrɛmaya 50:7

Min ba ale Marita mɔgɛ kɛnu yen, wonu si anu mawulen. Anu yoge wonu kɛnɛna a fɔla ko, “Male ma ko-yogoma ma. Isirɛla mɔgɛ kɛnu bara bila Mari la min kɛ, woletɔ ma ara anu mawulen. Anu benbanu ya anu yigi sa Mari rɔ, ado a bɛnta, anu fanani ni Mari gbiliya nun.”

Yowɛli 1:3

Nba, wo ni a rakaran wola dannu ye. Wonu fanan ni a rakaran anuna dannu ye. Wonu fanan bɛrɛn ni a rakaran anuna dannu ye.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Habakuku 1:11

Anu bi nala le iko fɔnyɔ ka tenbi. Anu yilikinɛ bawo anu yigi sanɛ anu fanka rɔ iko mɔgɛ doinu si a yigi sa Alla rɔ nya min.”

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Yilan-Yilan Koe 18:12

“Isirɛla mɔgɛnu ba na dɔntɛ kɔ-fan kun-fɔlɛ min na nde ye, wo si ma woletɛ la san-bo-san, a mara ɔlifi-tuli la wo, a mara nɔnbɔ-gbɔ-yi la wo, a mara nyɔɛ la wo. Minnu sɛninyanɛ iko tɔn ya a fɔ nya min, wonu denu dɔrɔn si a dɔn.”

Romu 11:16

Ni biredi-kundu-fɔlɔtɛ dira Alla ma sarakayɛ la, a toe mumɛ bɛɛ ara ma atɛ la fanan, ado ni kɔn-suli dira Alla ma, atɛ le a bolɔn fanan na.

Romu 16:5

Chɔchi-mɔgɛ minnu si anu nadɛn anuna bɔn la, wonu fanan kɔndɔn n ye. Wo ni n diyana-mɔgɛ Ipinɛta kɔndɔn. Ale le fɔlɔn mara dɛnkɛninya-mɔgɛ la Kirasiti ye Esiya nyamanɛ rɔ.

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 26:19

A si sɛnbɛ di wole Isirɛla bɔnsɔn ma. A si a ma, wole Isirɛla bɔnsɔn si tɔgɔ-nyimɛ sɔrɔn duninya ma ka matɔgɔlɛ anubɛ gbiliyɛ di wo ma ka tenbi bɔnsɔn doinu na. A si wo ma mɔgɔ-sɛnimɛnu na ka wo ma a halala-mɔgɛnu na iko a ara lanyiri kiri wo ye nya min.”

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.