Yɛrɛmaya 2:28 - ALLALA KUMƐ

²⁸ A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Yɛrɛmaya 2:28 Iomraidhean Croise

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 46:2

Bɛsɛ wonu ti ke anu nyɛrɛ lakisila. Anu tara biralɛ rɔ. Babilɔn bɛsɛnu wara-koe laban le kɛ la.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Aiseya 57:13

Wo wa di wo dɛnbɛn-koe rɔ, wola foninya-bɛsi-ladɛnnɛnu ni wo dɛnbɛ. Hali fɔn-fɛlɛfɛlɛnɛ, a si ta bɛsɛ wonu na. Kɔnɔ a ko minnu lanɛ ale la, nyamanɛ ye mala wonu denu halalɛ la. Wonu denu si to a batola ata kɔnkɔ-sɛnimɛ kuma.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 11:12

Yerusalɛm kɛnu anubɛ Yuda nyamanita-mɔgɛ toe bɛɛ si ta wola bɛsɛnu bara wo dɛnbɛn-koe rɔ. Wo si isɛnti mintan bɛsɛ wonu ye sarakayɛ la kɔnɔ kasarɛ wo wati wa ke, bɛsɛ wonu ti ke wo kunyɛ bɔla kasarɛ wo kɔrɔ.

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.

Tɔn-Fɔɛ-Fila-Nyɔgɛ 32:37

Mari si wo manyinika worɔ ko, ‘Wola bɛsi-makawanɛ minnu bi wo bolo nun, wonu bi mintɔ kaka? Farɛ minnu bi wo yogenu bolo nun, wo lara minnu fanan na, wonu bi mintɔ?’

Kɛlɛ-Kurugbɛnu 10:14

Wo ni ta di wola bɛsɛ wonu dala wo ara min nyini wo nyɛrɛ ye. Ni wo ye tɔrɔyɛ le tɔ, nba, anu denu ni wo lakisi.”