Yɛrɛmaya 2:22 - ALLALA KUMƐ

²² Nde, wo Tigi Mari ko hali wo ya soda bi ka wo ku a la, hali wo ya sefini-siyaman yogobɔrɔ wo ma, wo hakɛ ye a yirala ko wo kɔsɔnɛ.

Yɛrɛmaya 2:22 Iomraidhean Croise

2 Samuwɛli 11:12

Mansa Dawuda ya a fɔ a ye ko, “Ki yan bi kelan, sina sɔgɔma n si i lata i gbɛ rɔ.” Yuraya tora Yerusalɛm soe burɔ nyɔ ha wo wulun sɔgɔma.

Yobu 14:17

I si nna ko-yogomɛnu kɛ bɔrɛ rɔ ka anu boloka fasai! I si n hakɛnu yamatogon.

Yaburi 130:3

Ni i ye mɔgɛ bɛɛta hakɛ sɛbɛla le nun, yon si a bɔ ila yilikiyi kɔrɔ?

Yaburi 90:8

I ye ma hakɛnu nabɔla gbɛ ma i yakɔrɔ. Hali ma hakɛ minnu dogonnɛ, i ye wonu yenna.

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 17:1

Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 24:6

“Nde, wo Tigi Mari ko mɔgɔ-fagalɛnuta soe dankani de! Soe wo mani de iko dagɛ min tanɔgɔnɛ kɔtikɔti! Woletɔ i ni sogo-kundi wonu nabɔ dagɛ wo rɔ kelen-kelenyɛ ma ka a rakolonya filili!

Hoseya 13:12

“Wo sɔn anubɛ wo hakɛ ara sɛbɛ nun, bi ko ma. A bɛɛ lamaranɛ kan tinɛ do rɔ, yanba ti yalan anu ma kan min.

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!

Tɔn-Fɔɛ-Fila-Nyɔgɛ 32:34

“Mari ya a lɔn wo yogenu ya min ma. A ya anuna ko sigi a burɔ ha anu tɔrɔ-wati ni ke tumɛ min.