Yɛrɛmaya 2:20 - ALLALA KUMƐ

²⁰ Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 2:20 Iomraidhean Croise

1 Mansɛnu 12:32

Mansa Yɛrabowami ya a fɔ ala nyamanita-mɔgɛnu ye ko anu ni ladiyɛ do dabira ka a sanka Yuda mɔgɛnutɛ ma min si kɛ anuna san karɛ segin nyɔgɛ, tele tan-ni-loli ma. Mansa Yɛrabowami nyɛrɛ-nyɛrɛ ya tele wo yabɔ a nyɛrɛ ma ka sarakɛnu bɔ wulɔn. Wo tele nyɛrɛ kenɛ, a ya saraka-masɔlɛnu sigi Bɛtɛli soe burɔ minnu ya sarakɛnu bɔ saraka-bɔ-tinɛ kuma ninki-dannuna muninyɛ wonu ye. A ya ladiyɛ wo dabira Isirɛla mɔgɛnu ye ka le.

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

Yaburi 107:14

Anu makinikininɛ bɔra pinpi wo rɔ. A ya yɔlɔkɛ wonu tatɛgɛtɛgɛ kudɛkudɛ!

Yaburi 2:3

Anu bi a fɔla ko, “Ma ni ma bɔ ata sɛnbɛ kɔrɔ. Hali ma ma taran ala sarati kɔrɔ tun.”

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Bɔ-Koe-Iyipiti 19:8

Mɔgɛ bɛɛsi ya a yabi anu nyɔgɔn fɛ ko, “Mari ara min bɛɛsi fɔ, ma si wonu bira.” Musa tara mɔgɛnu kan wo latenbi Mari ma.

Bɔ-Koe-Iyipiti 24:3

Wo kɔma, Musa tara ka Marila kumɛ anubɛ ata tɔn kɛnu natenbi mɔgɛnu ma. Mɔgɛ bɛɛ ya a fɔ nya-kun-kelen ko, “Mari ara kumɛ min bɛɛsi fɔ, ma si wonu bira.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Yɛrɛmaya 13:27

Mari ko wo ye kinsin-kansan-koe minnu kun na, a ara wo bɛɛ yen. A ko wo ye bɛsi-kɔ-koe min bɛɛ kun na min manɛ iko yɛlɛnyɛ, a ya wo bɛɛ lɔn. Wo ye miliya-koe min bɛɛ la, a ye wonu kalama. Wo ye sɔn-yogoyɛ min kun na sɛnɛnu tɔ anubɛ kɔnkɛnu ma, a ko wo bɛɛ ragbɛnɛ le a bolo. Mari ko gbalo ye wole, Yerusalɛm kɛnu ma. Wo kɔsɔnɛ si to ha muntuma?

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 30:8

Mari Sɛnbɛ-Bɛɛ-Tigi ko wo tumɛ wa ke, sara-ninki kanma-kɔlɔma min bi wole, ala mɔgɛnu kan ma, a si wo bɔ wo kan ma anubɛ a yɔlɔkɛnu. Wo ti ma yɔɔnnu na sibolo-gbɛrɛnu ye tun!

Yɛrɛmaya 5:5

Woletɔ nde nyɛrɛ si ta Yuda mɔgɔ-banu bara ka anu makawandi. N lanɛ a la ko anu denu ya Marita ko-ladan-nya lɔn. Alla ye nyinina min ma ma bolo, tumado anu ya wo lɔn. Kɔnɔ yaga, mɔgɔ-ba wonu bara anu buri Mari kɔrɔ. Anu bara anubɛ-Mari-tɛma-yili ratɛgɛ gbat!

Isikiyɛli 16:28

I sa wasala yɛlɛnyɛ rɔ min kɛ, i kɛnɛna bilala Asiriyanu fɛ. Wonu fanan sa i wasala.

Isikiyɛli 16:31

I ya bɛsi-kɔ-tinɛnu nadan ka yɛlɛnya-kɛ-tinɛnu fanan nadan kila-kunyɛnu na. Kɔnɔ ile sa nyinina ila yɛlɛnya-sarɛ ma iko yɛlan doinu.

Isikiyɛli 16:41

Anu si ila bɔnnu mintan gburr, ado i tɔrɛ kɛ si kɛ musi siyaman yala. N si a ma, i ni yɛlɛnyɛ boloka feufeu! N si a ma, i ni fara kemini-san la.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Isikiyɛli 23:5

“Hali nna musi le anu na, Ohola tora yɛlɛnyɛ kun na. Asiriya keminɛnu diyara a ye ha ka a dan-natenbi.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 3:3

N ya a fɔ nna musi wo ye ko, “Sigi, i ni n makɔni ha! I kana yɛlɛnyɛ kɛ de, ni wo ma, ka i nyɛrɛ bɔrɔbɔ kemini-wo-kemini ye. Nde bɛrɛn si i makɔni.”

Hoseya 4:13

Wo ye bɛsɛnu kɔla kan-tina-mayɛlɛnɛnu tɔ kɔnkɛnu kuma kɔlɔma-kuru-wɛnu kɔrɔ bawo nyɔ-ninɛ di wo ye. “Wo ara kɛ-nya-yogomɛnu bi min kɛ, wola dunmusinu anubɛ wo mamani-nyaganɛnu bara anu nyɛrɛ don yɛlɛnyɛ rɔ.

Hoseya 9:1

Wole Isirɛla mɔgɛnu, wo ni wo fara wola ladiyɛnu kɛla iko Alla-lɔnbɛlɛnu. Wo ara wo kan-kɔ sɔ wota Alla la ka ma telenbɛlɛnu na a ye. Wo ara wo nyɛrɛ ma iko musu-yɛlan ka wo nyɛrɛ latenbi wola bɛsi Beyali ma nyamanɛ kɛ mumɛ bɛɛ rɔ iko bɛsɛ wo le wo de-nyinina ka wola fui-fan sabati.

Saraka-Masɔlɛnuta Tɔnnu 26:13

N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Nehami 1:13

A ko a si Yuda mɔgɛnu kunyɛ bɔ wota Asiriya mansa-masibɛ kɔrɔ ka yɔlɔkɛnu tatɛgɛ, anu kirinɛ minnu na.

Tɔn-Fɔɛ-Fila-Nyɔgɛ 12:2

Wo wa ta nyamanɛ wo rɔ, wo ni nyɔ-mɔgɛnuna bɛsi-kɔ-tinɛnu tinya feufeu! Ni anu bi kɔnkɛ denu kuma, wo ni ta anu tinya. Ni anu bi gbɔngbɔn denu kɔrɔ, wo ni ta anu tinya fanan.

Tɔn-Fɔɛ-Fila-Nyɔgɛ 26:17

Wo ya a fɔ bi, ko wo tigi le Mari Alla la. Wo ara lanyiri kiri nun tɔn kɛnu bira-koenu ma. Wo ko a ya min bɛɛsi fɔ wo ye, wo si wonu bira.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 5:27

Mɔgɛ wo damasi tora nde, Musa kɔma ka a fɔ n ye ko, ‘Nba, ile ni yɛlɛ kɔnkɛ kuma. Ni mata Mari Alla ya min bɛɛ fɔ i ye nyɔ, i si na wo rakaran ma ye. Ma si ma tole masɔ i la ka kumɛ wonu bira.’

Yasowa 1:16

Anu ya Yasowa yabi ko, “I wara koe min bɛɛ fɔ ma ye, ma si wo bɛɛ ma. I wa ma lata kan min, ma si ta nyɔ,

Yasowa 24:24

Isirɛla mɔgɛnu ya a fɔ Yasowa ye ko, “Ma si mata Mari Allata kumɛ bira ka ale kelen pe le bato!”

Yasowa 24:26

Yasowa ya koe kɛnu sɛbɛ Marita tɔn-kitabu rɔ. A ya kuru-belebele-wɛ bi ka wo sigi kɔlɔma kɔrɔ Marita kan-tina-sɛnimɛ da kɔrɔ.

Lankɛnimayɛ 17:1

Wo kɔma, pani-kunba wɔrɔnfilɛ ye melika minnu bolo, wo kelen ya a fɔ n ye ko, “Na ma ni ta. Babilɔn-so-wɛ min manɛ iko yɛlan, wo tɔrɔta nya min, n ni wo yira i la. Babilɔn wo sɔnɛ ba-siyaman dafɛ.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:13

Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.

1 Samuwɛli 12:10

Wo kɔma, wo benbanu dira Mari dala. Anu ya a fɔ ko, ‘Ma ara hakɛ kɛ bawo ma ara ma kan-kɔ sɔ ile Mari la. Ma ara Beyali anubɛ Asitɔra bɛsɛnu kɔ.’ Anu ko, ‘I yandi, ma tanka ma yogenu ma. Ma ti fenfen bato fɔ ile Mari kelan.’