Yɛrɛmaya 2:16 - ALLALA KUMƐ

¹⁶ Iyipiti kɛ minnu bɔra Mɛmfisi anubɛ Tapanisi soenu burɔ, Mari ko wonu bara wole, Isirɛlata mɔgɛnuna gbiliyɛ anubɛ sɛnbɛ bɔ wo ma feu!

Yɛrɛmaya 2:16 Iomraidhean Croise

2 Mansɛnu 18:21

Ni wo yili-madiyanɛ Iyipiti mɔgɛnu denu na wo dɛnbɛn-koe la kɛlɛ rɔ, wonu mani de iko puka-gbalɛ sewuruyɛ la bawo a si keri mɔgɛ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

2 Mansɛnu 23:33

Iyipiti Mansa Niko nara ale bira Ribila soe burɔ Hamati nyamanɛ rɔ. Wo le ya a ma, aleta mansayɛ banta Yerusalɛm soe burɔ. Mansa Niko kɛ ya a ma, Yuda nyamanita-mɔgɛnu ya duti di ale ma. A ya a ma, anu ya wodi-gbɛ labɔ minna gbiliyɛ anubɛ fui-fen bɔrɔ bi-loli rakɛn. A ya a ma, anu ya sɛnɛ fanan nabɔ minna gbiliyɛ anubɛ fui-fan bɔrɔ talɛ rakɛn.

Aiseya 19:13

Mɔgɔ-ba minnu bi Sowa soe burɔ, kun-takolɔn le wonu na. Minnu bi Mɛmfisi soe burɔ, wonu bara baya. Wonu bɛnta ka mɔgɛnu sɔ kila-latelennɛ rɔ kɔnɔ anu ma wo ma de fɔ ka mɔgɛnu bila kila-radunɛ fɛ.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 46:19

Iyipiti kɛnu ni anuna mirannu mabɛn bawo anu biratoe le ka ta anu na. Mɛmfisi soe si ma wula-da-rakolɔn la mɔgɔ sa kan min.

Yɛrɛmaya 48:45

Mansa Saihɔn ye Hɛsibɔn soe min kun na nun, minnu bi anu burila kɛlɛ kɔrɔ ka ta soe kɛ magbenna anu nakanan-koe la, wonu si a taran, tɛ biranɛ soe kɛ la kiribo! Ta-kelan wo si Mohabu nyamanɛ maforongban, hali mɔgɔ sa kan-tinɛ minnu tɔ, ado wasinte kɛlɛ-tɛgɛla-wɛ le anu na nun kati!

Isikiyɛli 30:13

“Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Isikiyɛli 30:16

N ba tɛ tugu Iyipiti nyamanɛ la, Pɛlusiyam soe tɔrɔyanɛ si to dumɛ bolo. N si Tibisi soe tarɛ labui fugbu! Yi si soe wo yamatogon.

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Tɔn-Fɔɛ-Fila-Nyɔgɛ 33:20

Musa ya kumɛ kɛ fɔ Kadi bɔnsɔn-mɔgɛnuna ko la ko, “Ma si Alla tanto bawo a ya Kadi bɔnsɔn-mɔgɛnuna nyamanɛ lakoloya. Anu fereyanɛ kɛlɛ-kɛ-tinɛ iko yarɛ minnu si mɔgɛ bole ka a ma anubɛ a kun-gbole.