Yɛrɛmaya 2:15 - ALLALA KUMƐ

¹⁵ Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 2:15 Iomraidhean Croise

Yobu 4:10

Karagbɛlɛnu bi hirendi-hirendila ka kurun iko yarɛ kɔnɔ Alla si tɔn sigi wo la anu bolo ka anu nyin keri gbasu!

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 24:1

Mari si duninya kuma kolɔnya filili. A si dugi raburun sagbayi! A si duninya-mɔgɛnu tanyɛnsɛn.

Aiseya 5:29

Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Aiseya 5:9

N bara a lamɔɛn ko Mari Sɛnbɛ-Bɛɛ-Tigi ye a fɔla ko, “Wola bon-belebele-hakikɛnu si kasara pɔ!

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 25:30

Mari ko nde, Yɛrɛmaya ni a kuman-kan kɛ bɛɛ rakaran wole, ata mɔgɛnu ye ko ale Mari bɔrɔndɔ-bɔrɔndɔ-kan si bɔ Arinyɛni tɔ. A si san-sɛran nabɔ san-kole kɔma pon! A si bɔrɔndɔ-bɔrɔndɔ ala mɔgɛnu ma. A si yerelen tɛgɛ iko konima-dannu. A si kuma duninya-mɔgɛ bɛɛ ma.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 26:9

I ya a fɔ Mari baraka rɔ ko Bato-Bɔn kɛ si tinya iko Sailotɛ. I ko soe kɛ si kasara, hali mɔgɔ-den-kelen-bɛrɛn kunyɛ ti to-a-rɔ. I ya i tui kɛ fɔla nfenna ko la?” Wo ya kurɔn don n ma.

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 51:38

Babilɔn kɛnu mani de nun iko yara-feremɛnu. Anu bi wɔrɔndɔla iko yara-bulannu.

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Isikiyɛli 36:3

I ni nna wɔlɔyiya-kumɛ kɛ latenbi anu ma ko Isirɛla mɔgɛnu dan-masa-nyɔgɛnu nara bui Isirɛla nyamanɛ ma tumɛ min ka a kɔnkɔrɔ-fannu kankan, anu ya Isirɛla lafɛya dɔgɔma-ma-de!

Isikiyɛli 5:14

Sibolo-gbɛrɛ minnu tenbi tenbila wo la, wonu bi nyimala wo rɔ ka anu masɛgi wo la.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Emɔsi 3:12

Ni saga-fɛ-biralɛ si ke saga-woro kolo filɛ wa a tolo-lafɛlafɛ bila yarɛ dɛ la, mani Samariya kɛnu Isirɛla mɔgɛnu, kɔni, wonu si ke anu burila anu yogenu kɔrɔ, ado anu sanɛ anuna sa-fen kiannu na anu kin kɔrɔ.

Emɔsi 3:4

Yarɛ si wɔrɔndɔ wo nya na ni a ma kɛ fen ma? Yarɛ si wɔrɔndɔ-wɔrɔndɔ faran la ni a ma fen bira, wa?

Nehami 2:11

Wole Ninɛfa kɛnu, wola soe kɛ ye mintɔ gbɛ? Fɔlɔ nun, a manɛ iko yara-wɔrɛ. Fɔlɔ nun, a mani de iko yara-bulan de-nyini tinɛ. Fɔlɔ nun, wola soe kɛ lafɛrɛnɛ iko yara-denbɛ anubɛ a dan tenbi faran la,

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 2:5

Wole Filisiti mɔgɛ minnu siginɛ kɔgɔ-yi dafɛ, wo ara ban donna saya-kiti kɔrɔ. Mari ara ban wo latɛgɛla feu! A ko a si wo kasara, hali mɔgɔ-den-kelen ti to a niyi la.

Sɛfanaya 3:6

Mari ko ka a tɛgɛ wole, Isirɛla mɔgɛnuna ko ma, a ara sibolo-siyaman nato nun dogbe! A ya anuna soenu kasara ka anuna tarɛnu anubɛ anuna nyamani-kumafɛlɛn-tinɛnu tinya pɔ! Anuna soenu mara tonbon-bɛrɛbɛrɛ la.

Sakaraya 11:3

Wo ni wo tole masɔ saga-fɛ-biralɛnu di-kɛ-kan la bawo kolo-fen de-nyini-tinɛnu na ara gbana. Wo ni wo tole masɔ yarɛnu worondo-kan la bawo anu bi anu sala fɔgbɛ minnu kɔrɔ Yorodan bɛ dala, wo bɛɛ ara ban.

Kɛlɛ-Kurugbɛnu 14:5

Woletɔ anubɛ a sɔrɔnnɛnu bi tala Timina soe burɔ tumɛ min, a ye tenbila nɔnbɔ-kurinu kɔrɔ soe wo da la. Samsin ya yara-bulan bɔrɔndɔ-bɔrɔndɔ-kan lamɔɛn. Yarɛ wo ye nala a magbenna.