Yɛrɛmaya 2:14 - ALLALA KUMƐ

¹⁴ Mari ko yɔɔn ma wole, Isirɛla mɔgɛnu na, ado wo ma sɔrɔn yɔɔnyɛ rɔ. Nfenna worɔ, wo yogenu bi buila wo ma iko a di anu ye nya min.

Yɛrɛmaya 2:14 Iomraidhean Croise

Ko-Dabirɛnu 15:3

Burama ya a fɔ tun ko, “I ma den di n ma. Woletɔ nna yɔɔn minnu sɔrɔnta nna bɔn la, wo do si ma n kɛɛ-bilɛ la.”

Bɔ-Koe-Iyipiti 12:49

Kemininya-koe kɛ, a ye dugurannu anubɛ sundannu denu kuma. A sa mɔgɔ kelen kuma.”

Bɔ-Koe-Iyipiti 4:22

I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Makawandili Kumɛnu 2:7

N ya yɔɔn-siyaman san, kei wo, musu wo. Yɔɔn wonu fanan ya dannu sɔrɔn nna bɔn la. Wo kɔma, nna kolo-fannu siya Yerusalɛm-sigila-kɔrɛ bɛɛtɛ ko.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.