Yɛrɛmaya 19:11 - ALLALA KUMƐ

¹¹ N bara a ratii min kɛ, n ni a fɔ ko Mari Sɛnbɛ-Bɛɛ-Tigi ko a ye soe kɛnubɛ a nyamanɛ toe kɛ ratiila ka le, ado mɔgɔ ti ke a tugunna a nyɔgɔn na tun. Mɔgɛnu si furinu togon hali Tofɛti bɛsi-kɔ-tinɛ kɛ rɔ. Anu si furinu togon ha, hali dugu-sibiri-kundi ti to.

Yɛrɛmaya 19:11 Iomraidhean Croise

Yaburi 2:9

A ko n si nɛgɛ-gbelekɛ bi ka anu kunyɛ lasɛgi a rɔ. N si anu kasara iko mɔgɔ wa bɔnku-dagɛ ratii.

Hɛnkilimaya-Kumɛnu 6:15

Ka a tɛgɛ anu sɔn wo ma, kasarɛ si anu natɛrɛna ka anu tinya pɔ! Anu bi dumɛ minnu sɔrɔnna wo rɔ, wo le ye anu fagala.

Aiseya 30:14

A ko wo ra si tii iko bɔnku-dagɛ. Wo ra si nyɛnsɛn gbesenkirin, hali min si ma ta-kɔ-fan la, wo ti taran. Hali min-kɛ-fan ti sɔrɔn a rɔ.

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 19:12

Mari ko a si kasarɛ kɛ sigi wole kun na ka Yerusalɛm soe kɛ ma iko Tofɛti.

Yɛrɛmaya 19:6

Mari ko wo ni a ma wo fɛrɛma. Tumɛ ye nala mɔgɛnu ti bɛsi-kɔ-tinɛ kɛ kele ko Tofɛti. Anu ti yan kele tun ko Bɛn-Hinɔm lɛɛ. Anu si a kele ko Mɔgɛ-Faga-Lɛɛ.

Yɛrɛmaya 25:34

Wole kun-tigi minnu bɛnta ka ma Marita mɔgɛnu kandannɛ la, wo ni sɔnkɔ di-kɛ-tinɛ. Wo ni di ka wo forongbesi gbangban rɔ. Wo ratii-tumɛ ara ke. Anu si wo ratii iko bɔnku-dagɛ wa fɛrɛn dugi la.

Yɛrɛmaya 48:38

Fenfen sa nala taranna Mohabununa bɔnnu na anubɛ barɛnu tɔ fɔ diyi kɛ bawo Mari ko a si na Mohabu nyamanɛ ratii iko mɔgɛ si bɔnku-dagɛ ratii nya min mɔgɔ-mako sa min na.

Yɛrɛmaya 51:63

Woletɔ Sɛraya, i wa ban buku kɛ rakaranna anu ye, kuri kiri a la ka a lakɛ Yufereti bɛ rɔ.

Nimisa Koe 4:2

Mala keminɛnu gbili ma ma iko sɛnɛ-hakikɛ gbili nya min, kɔnɔ anu mani de mɔgɛnu yala kaka iko bɔnku-dagɛ.

Kɛwɔlɛnu 21:11

A ya Pɔlila butɛ-kiri-fan bi ka a nyɛrɛ kiannu anubɛ a bolenu kiri wo la. A ko, “Allata Ni-Sɛnimɛ le ya a fɔ n ye ko Yahudiyanuna kun-tigi donu si butɛ-kiri-fan kɛ tigi kiri ka le. Anu si wo ma Yerusalɛm soe burɔ ka a don sibolo-gbɛrɛnu bolo.”