Yɛrɛmaya 18:8 - ALLALA KUMƐ

⁸ Kɔnɔ ni sibole wo ya a kan-kɔ sɔ a hakɛ la, a ko a si a fonde yɛlɛma. Kasarɛ min tabɛnnɛ sibole wo kan ma nun, a ko a ti wo sigi a ma tun.

Yɛrɛmaya 18:8 Iomraidhean Croise

2 Ko-Kɔrɔta-Karan 12:6

Ale mansɛ anubɛ ala mɔgɔ-banu ya anu sɔ anu hakɛ la. Anu ko, “Mari ye tonyɛ le kun na kɛ la.”

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 135:14

I si ila mɔgɛnu kumafunfan ka kinikini ila wɔli-kɛlɛnu ma.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Yɛrɛmaya 12:16

A ko a sɔgɛ le ye a la nun ko anu ni wole, ata mɔgɛnu kɛ-nya karan. A ko fɔlɔ nun, anu ya wole, ata mɔgɛnu nabila lanyiri-kiri-bole la bɛsi Beyali ye. Kɔnɔ kaka, a sɔgɛ ye a la, anu ni ale Mari tɔgɛ ratɛgɛ lanyiri-kiri-tinɛ. A ye a fɛ anu ni a fɔ ko, “A ye mabɛ Mari tɛma… A ko ni anu ya wo ma, anu bara-koe ti sɛgi kɔma. A ko a si a ma, anu ni taran wole, ata Isirɛla mɔgɛnu kurun tɔ.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 26:13

Fɔ wo ni wo kɛ-nya anubɛ wola ko-ladan-nya yɛlɛma. Wo ni wota Mari Alla sako kɛ. Ni wo ya wo ma, ale Mari si a miriya yɛlɛma wo wara la. A ye kasarɛ min nanala wo kan ma, a si tɔn sigi wo la.

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 26:3

Tumado wo si wo tole masɔ ka wo kan-kɔ sɔ wola ko-yogomɛnu na, ado ni wo ya wo ma, a ko a si a miriya yɛlɛma wo kasara-koe ma, a ye min nanala wo kuma wola sɔn-yogoyɛla ko la.

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Isikiyɛli 18:21

“Ni karagbɛlɛ ya ata karagbɛlɛyɛ boloka ka nna tɔnnu bira, a ni don ko-telennɛ anubɛ ko-nyimɛ-ladan rɔ, a ti faga worɔ. Fɔ a wa to a niyi la.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 33:12

“Nba, ile hadama-dan, a fɔ Isirɛla mɔgɛnu ye ko mɔgɔ-nyimɛ tenbi hakɛ kɛla, a ara ko-nyimɛ min bɛɛ ma, wo ti a kisi. Ni sɔn-yogoma-tigi ya a bɔ ko-yogomɛ da kun tɔ, a ti tɔrɔ. Ni mɔgɔ-nyimɛ ya a bɔ ala ko-nyimɛ da kun tɔ, a ti to a niyi la.

Isikiyɛli 33:13

Hali n bara mɔgɔ-nyimɛ yili-madiya ko a si to a niyi la kɔnɔ tumado, a ni a miri ko a ara ko-nyimɛ minnu ma kɔrɔma la, wonu bara a ya labɔ. Ni wo tigi donta ko-yogoma-kɛ rɔ, a ara ko-nyimɛ min bɛɛsi ma nun, n ti n miri wo do-wo-do ma tun.

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.