Yɛrɛmaya 18:23 - ALLALA KUMƐ

²³ Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 18:23 Iomraidhean Croise

Yaburi 119:126

Mari, ita sɛnbɛ-mayira-tumɛ le bawo mɔgɛnu bi ita tɔnnu tinyana.

Yaburi 35:4

N faga-sɔgɛ ye minnu na, alamɛ i ya wonu nɔ ka anu yarabi. Minnu bi yanfɛ rabɛnna n ma, alamɛ wonu kɔndɔfilinɛ sɛgira.

Yaburi 56:8

N kira n ya la nya min, i fonde ni to wo ko. I ni n ya-yi lamara a dan na fan do rɔ alako i ni a lɔn n bara min nyɔgɔn diyi kɛ.

Yaburi 59:5

E, Mari Alla Sɛnbɛ-Bɛɛ-Tigi, i lakɔɛnma, i ni na n dɛnbɛ. E, Isirɛlata Alla, na a yen i nyɛrɛ kolan la. I ni kunden ka mɔgɛ kɛnu tɔrɔ min ma i lɔn. I kana kinikini ma madɔnnɛ kɛnu ma.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 2:9

Hadama-dan damasi si miliya ka yarabi. Mari, i kana anu makoto mumɛ!

Yɛrɛmaya 11:23

A ko mɔgɔ-wo-mɔgɔ ti to a niyi la Anatɔti soe burɔ. A ko a si kasarɛ lana anu kuma anu tɔrɔ-san wo nyɛrɛ ma.

Yɛrɛmaya 15:15

E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 26:11

Saraka-masɔlɛnu anubɛ nɛbinu ya a fɔ wole, mɔgɔ-banu anubɛ wole, a mɔgɛ toenu ye ko, “A bɛnta, Yɛrɛmaya kɛ ni faga ka a tɛgɛ a ara kumɛ min fɔ soe kɛ tinya-koe ma, ado wole nyɛrɛ ara kɛ lamɔɛn.”

Yɛrɛmaya 26:8

N banta Mari kan kɛ fɔla nya min wo, wo kɛra n ma ka a lasɔnkɔ ko, “Ma ye i fagala kumɛ kɛla ko la.

Yɛrɛmaya 37:15

Anu nyɛɛra n ma dɔgɔma-ma-de! Anu ya n gbesi ka n nadon mansɛla sɛbɛli-kɛla Yonatanna bɔn la min bi yeleyɛ la gbɛ!

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 6:21

Woletɔ Mari ya a fɔ ko a ye fan donu sala kilɛ la mɔgɛnu si anu kian latugu minnu na. Dan anubɛ a fa si anu kian latugu wonu na. Wo sigi-nyɔgɛnu anubɛ wo diyana-mɔgɛnu si kasara pɔ!

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Nimisa Koe 3:60

Yanfɛ min tabɛnnɛ n kan ma n yogenu bolo, i ya wo bɛɛ lɔn.

Nimisa Koe 3:61

“I wara n mamɔɛn-kan lamɔɛn anu bolo, ado anu bara yanfɛ min bɛɛ kiri n ma, ile Mari ya wo bɛɛ lɔn.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Romu 2:5

Kɔnɔ wo yisi gbɛlɛ, ado wo bannɛ tubi-koe ma feu! Woletɔ Allala diminyɛ anubɛ ala kiti wa bɔ gbɛ rɔ tumɛ min, wo si wola tɔrɔyɛ makofu wulɔn le