Yɛrɛmaya 18:22 - ALLALA KUMƐ

²² A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Yɛrɛmaya 18:22 Iomraidhean Croise

Yaburi 119:85

Wasinte minnu bannɛ ila tɔnnu-bira-koe ma, wonu denu bara denka-filon-bɛnu sin n ye alako anu ni n bira.

Yaburi 140:5

Wasintenu bara gbɛrɛ lasigi n ye. Anu bara sogo-bira-yalɛ rafulen n yarɔ. Kan-birɛ lasiginɛ n ye anu bolo.

Yaburi 140:6

N kɛnɛna a fɔla ile Mari ye ko nta Alla le ile la. I wɔlɔ matɔlɔ n worondo-kan la.

Yaburi 142:4

N ba n yɛ lasɛgi tumɛ min, n ti n dɛnbɛna fenfen yen. N buri-kɛ-tina-wo-tina sa. Mɔgɔ-wo-mɔgɔla ko sa nna ko rɔ.

Yaburi 38:12

N faga-sɔgɛ ye minnu na, wonu bi yili lasigila n ye. N madumɛ-sɔgɛ ye minnu na, wonu bi yanfɛ kirila n ma n tinya-koe la. Anu sa anu farala yanfɛ kirila n ma.

Aiseya 10:30

Wole Kalimu mɔgɛnu, wo di soee! Wole Layisa kɛnu, wo ni wo tole rabalan. Wole Anatɔti kɛnu, wo kofu wo ta-nyɔgɛnu ma di-kɛ-tinɛ.

Yɛrɛmaya 18:20

A ma kin, mɔgɛ ni ko-nyimɛ yili sara ko-yogomɛ la. Anu bara ban denkɛ sinna n kɔrɔ n faga-koe la. Mari, i miri. Nde le sɔra i yakɔrɔ nun. N ya i madiya alako i ni ko-nyimɛ kɛ mɔgɛ kɛnu ye. N ya i madiya alako i fonde kana bɔ anu kuma.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 20:16

Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 5:26

Karagbɛlɛ minnu bi wole, ala mɔgɛnu tɛma, wonu bi mɔgɛnu manɛgɛnna ka anu bira iko donso-keminɛ ye kona manɛgɛnna nya min ka a bira.

Yɛrɛmaya 6:26

Mari ko wole, ata mɔgɛnu ni kasa-kurɛ kɛ wo ma. Wo ni wo nyɛrɛ maforongban gbangban rɔ yisi-tinyala ko la. Minnu bara lakiraya, wo ni wo dɛ sa-a-rɔ wonuna ko la. Wo ni wo dɛ bolobɔ iko mɔgɔla den kelan wa bɔ a bolo. Wo ni wo bɛɛ ma bawo kasarɛ sa mɛla kɛla wo ma.

Sɛfanaya 1:16

Wo wulɔn-tele si ma kɛlɛ-kɛ-buri-fɛ-lunyɛ la. Ma yogenu tenbi donna so-latankanɛnu tɔ tumɛ min, anu si a lawɔyɔ ka na nyamanɛ-kumafɛlɛn-tinɛnu kan ma.

Matiyu 22:15

Farisinu tara ka gbundu kiri anu si ta Yisa da-kɔrɔbɔ nya na.