Yɛrɛmaya 18:21 - ALLALA KUMƐ

²¹ Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Yɛrɛmaya 18:21 Iomraidhean Croise

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Yaburi 63:10

Anu kunyɛ si to kɛlɛ rɔ, ado sulukinu si anu furinu dɔn.

Yaburi 63:11

Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Bɔ-Koe-Iyipiti 22:24

n yisi si bɔ wo kuma. Ni min ya wo ma, n si wo tigi faga. Ale fanan musi si ma kɛɛ-musi la. Ala dannu si to kelenniyɛ rɔ.

Aiseya 13:18

fɔ ka anu denu wara-koe ka-a-la kalabɛn la. Dennɛnuna hina sa donna anu tɔ mumɛ!

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 14:16

A ko nɛbi wonu bi kumala minnu ye, wonu furinu na si kɛ a rɔ Yerusalɛm kila-kunyɛnu na. Anu tɔgɔ si to kɔnkɛ anubɛ anu yogenuna faan la. Anuna musu wo, anuna den wo, anu togonna-wo-togonna ti taran. A ko a si anu tɔrɔ feu, iko a bɛnta, anu ni tɔrɔ nya min.

Yɛrɛmaya 15:7

Ale Mari ko a si wole, ata mɔgɛnu gbesi foron-tagbesi-bosɛ la ka wo ranyɛnsɛn soe tarɛ don-dɛnu na. A ko bawo wole, ata mɔgɛnu sa wo kɛ-nya yɛlɛmana, a si wo kasara pɔ! A si wola dannu gbɔrɔndo wo kɔrɔ ka anu faga.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 50:30

Woletɔ a fonikenu furu-bolokanɛ si to belenna luyinu ma. Ala kɛlɛ-dannu si kasara wulɔn tele kelan ma. Mari kan le kɛ la.

Yɛrɛmaya 9:21

Sayɛ ara don wundan la. A ara don mala so-latankanɛnu tɔ. Mala dan minnu bi tolonna luyinu ma, sayɛ ara ban wonu matɔnbɔnna ma kɔrɔ. Keminɛ minnu bi kundɛnna barɛnu tɔ, ale sayɛ ara ta wonu na pon!

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Nimisa Koe 5:3

Ma yogenu bara ma fanu faga ka ma to kelenniyɛ rɔ. Ma nanu bara ma kɛɛ-musinu na gbɛ!

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Isikiyɛli 22:25

Iko yara-kɔnkɔtoe si soge lapɛrɛn nya min, Isirɛla kun-tiginu bi yanfɛ kirila mɔgɛnu kan ma wo nya na le. Anu bi mɔgɛnu fagala ka anu kɛɛ ladɛn anu nyɛrɛ ye, ado anu bi musu-siyaman tola kɛɛ rɔ.

Emɔsi 4:10

Mari ko ale le ya tɔrɔyɛ sigi wo la iko a ya a ma Iyipiti kɛnu na nya min. Ale le ya a ma, wola den-keminɛnu fagara kɛlɛ rɔ. Wo yogenu tara wola soeenu na. A ya a ma, furinu tulun-sumɛ ya wo tɔrɔ wola dagɛnu tɔ. Hali wo, wo ma sɔn wo ya-lamununna Mari la mumɛ!

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

1 Samuwɛli 15:33

Kɔnɔ a ke Samuwɛli ma, wo ya a fɔ ale mansɛ ye ko, “Musi siyaman bara foo anuna dannu na ila faan la nya min, ile fanan, i na foonɛ si to ala dan la wo nya na le.” Samuwɛli ya Mansa Ekaki wo kundu bɔ saraka-mintan-tinɛ dafɛ Kiligali nyɔ.