Yɛrɛmaya 18:18 - ALLALA KUMƐ

¹⁸ Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 18:18 Iomraidhean Croise

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

1 Mansɛnu 22:24

A ban kɛ fɔla, Nɛbi Sɛdɛkaya tara a dɛ ratii, pɔ! A ya a fɔ a ma ko, “Marita sɛnbɛ ya nde boloka muntuma ka ta kuma ile ye?”

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Yobu 5:13

A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Yaburi 21:11

Mansɛ yogenu si anu kɔnkɔn ko-yogomɛ ma mansɛ tɔgɔ rɔ kɔnɔ anu ti a nɔ.

Yaburi 52:2

Telen-gbɛn, i ye i mirila karagbɛlɛyɛ ma. I dɛ latugunɛ iko muru-da-diyamɛ. Tuma-wo-tuma, ile ye i mirila foninya-kurɛ le ma.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 64:3

Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Hɛnkilimaya-Kumɛnu 18:21

Mɔgɔla kumɛ tenbira niyi anubɛ sayɛ la. Kuma-siyaman-fɔɛ di min ye, wo si nanparan sɔrɔn ka a tɛgɛ a darɔ-kan ma.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 11:19

N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 18:11

A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 18:19

N ko Mari, i wɔlɔ matɔlɔ n kuman-kan la. Anu bi min fɔla n bara-koe rɔ, i ni wo lamɔɛn.

Yɛrɛmaya 2:8

Hali saraka-masɔlɛnu ma Mari manyinika. Anu denu minnu bɛnta ka ale Marita karan lɔn, anu miriya ma ke a ma lefan! Mari ko wo benbanuna kun-tiginu wulita a kan ma. Hali aleta nɛbinu ya wɔlɔyiya-kumɛnu fɔ bɛsi Beyalila ko rɔ ka bɛsi-fufafuyi wo kɔ.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 26:11

Saraka-masɔlɛnu anubɛ nɛbinu ya a fɔ wole, mɔgɔ-banu anubɛ wole, a mɔgɛ toenu ye ko, “A bɛnta, Yɛrɛmaya kɛ ni faga ka a tɛgɛ a ara kumɛ min fɔ soe kɛ tinya-koe ma, ado wole nyɛrɛ ara kɛ lamɔɛn.”

Yɛrɛmaya 37:13

n ke don-dɛ ma anu bi min kelela, “Bɛnyamɛ,” kɛlɛ-den-kunyɛ minnubɛ ala kɛlɛ-dannu siginɛ nyɔ, wonu ya n bira. Wo tɔgɛ le Iraya. A fa tɔgɛ le Sɛlimaya. Wo benba tɔgɛ le Hananaya. Iraya wo ko nde ye kofula Babilɔn kɛlɛ-dannu ma.

Yɛrɛmaya 43:2

Hosayala den Asaraya anubɛ Kareyala den Yohenan anubɛ wasinte gbɛrɛnu ya a fɔ n ma ko, “I foni. Mata Mari Alla ma a fɔ ko ma kana ta sigi Iyipiti.

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 44:17

Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Nimisa Koe 3:62

Telen-gbɛn, anu bi anu kɔnkɔnna n ma ka n tafɔ.

Isikiyɛli 7:26

Tɔrɔyɛ do tenbi banna, do ye nala. Yisi-tinya-kumɛ ye nala dɛɛ! Wo si to wola nɛbinu madiyala alako anu ni to yarɔ-koenu fɔla wo ye kɔnɔ anu ti wo kɔntɔ-diya-kuma fenfen fɔ. Wo karan-fen fenfen ti taran wola saraka-masɔlɛnu bolo. Hɛnkili-wo-hɛnkili ti taran wola kun-tiginu na.

Saraka-Masɔlɛnuta Tɔnnu 10:11

Fɔ wo ni Isirɛla mɔgɛnu karan tɔn kɛnu damasi la n ya min di i dɔgɛ Musa ma ka a di ile Aruna ma.”

Maika 3:6

a ara to doni, wole nɛbi-su kɛnuna wati ni ban. Bawo wo le ye ata mɔgɛnu nabilala ko-yogomɛ la min kɛ, woletɔ a ti ko-rayirɛ kɛ wo ye tun. Wo ti ke wɔlɔyiya-kumɛnu fɔla tun.

Maika 3:7

Hali wo, wole nɛbinu kuman-kan ti bɔ-a-la. Wo si miliya worɔ bawo Alla sa wo fɛ tun iko fɔlɔ.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Luka 11:45

Tɔn-karan-mɔgɛ do ya a fɔ a ye fanan ko, “Karan-mɔgɔ, i ye min fɔla kɛ la, i ye male fanan lafɛya tinɛ wo la!”

Yɔni 9:40

Farisi minnu bi a fɛ nyɔ, wo donu ya a kan lamɔɛn kɛ fɔla. Anu ya a manyinika ko, “A ye i kɔntɔ ko male fanan, fiyɔn le?”