Yɛrɛmaya 18:17 - ALLALA KUMƐ

¹⁷ Mari ko a si wo ranyɛnsɛn wo yogenu yakɔrɔ. A si wo ranyɛnsɛn iko tele-bɔ-fɔnyɔ wa gbangban ranyɛnsɛn a sɛnbɛ la. A si a kan-kɔ sɔ wo la. A ko wo tenbi tɔrɔyɛ rɔ, a ti wo dɛnbɛ.

Yɛrɛmaya 18:17 Iomraidhean Croise

Yobu 27:21

Tele-bɔ-fɔnyɔ si anu bara-koe firan anu sigi-soe rɔ.

Yaburi 48:7

iko kulɔn ye gbenke-gbenkela mɔgɛ minnu na yi kuma.

Hɛnkilimaya-Kumɛnu 24:16

Hali mɔgɔ-latelennɛ buira iko wɔrɔnfila, a si ke le a lasɔla wo dama rɔ. Kɔnɔ ni karagbɛlɛ buira, a si kasara pɔ!

Yɛrɛmaya 13:24

Mari ko a si wole, Yerusalɛm kɛnu tanyɛnsɛn iko fɔnyɔ ye tala fɔrɔn min na.

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Isikiyɛli 27:26

Kulɔn wo wurelɛnu tara a la kɔgɔ-yi tɛma tumɛ min, tele-bɔ-fɔnyɔ ya a tinya yi tɛma den!

Isikiyɛli 7:22

Hali sundan wonu ba n Bato-Bɔn konko-don-dɛ keri ka nyɔ latinya, n ya lata tina ma.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.